COVALIMA, 06 juñu 2023 (TATOLI)–Xefe Departamentu Parke eskolár, Manuel França, hateten tanba benefisiáriu bolsa méritu na’in-138 seidauk entrega númeru konta bankária ba Servisu Munisipál Edukasaun Covalima, entaun difikulta atu halo pagamentu.
Notísia Relevante: Estudante 985 hosi Covalima sai benefisiáriu ba bolsa méritu
“Prosesu tomak ita iha fallansu tanba iha eskola balun entrega ona númeru konta bankaria mai edukasaun Covalima, maibé estudante balun mós to’o ohin loron seidauk entrega númeru konta bankária hamutuk ne’e hamutuk 138, tanba laiha dokumentu hanesan sertidaun batizmu entaun difikuldade benefisiáriu bolsa méritu atu trata númeru konta bankária iha BNCTL, nune’e difulta iha prosesu pagamentu nian,” Manuel França hateten ba Agência Tatoli iha Servisu Edukasaun Covalima, Santa Rosa, tersa ne’e.
Bazeia ba dadus esudante ne’ebé sai benefisiáriu ba bolsa méritu iha munisípiu Covalima hamutuk na’in-985 no hosi númeru benefisiáriu nain 820 mak entrega ona númeru konta bankária no nain-138 mak sei entrega númeru konta bankaria ba Servisu Munisipál Edukasuan Covalima.
Benefisiáriu ne’ebé benefisia ba bolsa méritu ne’e hahú hosi eskudante primeiru siklu, eskola sekundáriu jerál no eskola Tekniku Vokasionál (TEKVOK).
Ho nune’e, atu falisilita estudante sira-ne’ebé laiha dokumentu, Servisu Munisipál Edukasaun Covalima mós servisu hamutuk ho Rejistu Sivil no Notariadu Covalima no Banku Nasionál Komérsiu Timor-Leste (BNCTL), maibé atu hasai konta bankária tenke iha dokumentu hanesan sertidaun RDTL no BI.
“Prosesu atu fasilita estudante sira, ami servisu hamutuk ho Rejistu Sivil no Notariadu Covalima no BCTL no edukasaun halo kooperasaun servisu di’ak, maibé nia regra ne’e benefisiáriu ida tenke iha dokumentu, se laiha labele halo pagamentu,” nia dehan.
Entertantu, benefisiáriu ne’ebé atu asesu ba bolsa méritu na’in-985 ne’e hosi eskola 211 ne’ebé estabelese iha Covalima ho totál orsamentu hamutuk $548,150.00.
Estudante ne’ebé sai benefisiáriu ba bolsa méritu hanesan estudante primeiru siklu ensinu báziku hosi kuartu ano ba kintu ano ho totál benefisiáriu 435 hosi totál eskola 87 ho nia orsamentu hamutuk $217,500.00.
Benefisiáriu segundu siklu ensinu báziku hosi sestu ano ba sétimu ano ho totál estudante 400 hosi eskola 80 ho nia orsamentu hamutuk $200.000.00
Nivél eskola terseiru siklu nuno ano ne’e benefisiáriu hamutuk 78 ne’e mai husi eskola 26 ho nia orsamentu hamutuk $58,500.00
Estudante nivél eskolár 12 ensinu sekundáriu jeral ho totál benefisiariu 12 hosi eskola haat (4) ho orsamentu $9, 000.00, nivél eskolár 12 ensinu tekniku vokasionál benefisiariu 15 hosi eskola lima (5) ho orsamentu $11,250.00.
Nivél eskola ezame pasazen klase hosi 11 ano ba 12 ano ensinu sekundáriu jeral ho benefisiáriu 20 ne’e mai hosi eskola haat (4) ho orsamentu hamutuk $10.000.00.
Nivél eskola ezame pasazen hosi 11 ano ba 12 ano ensinu tekniku vokasionál ho benefisiáriu hamutuk 25 mai hosi eskola lima (5) ho orsamentu $ 12,500.00 no bolsu méritu nivél munisípiu ba EB no ESG hp orsamentu $29,400.00.
Notísia Relevante: Edukasaun Covalima sei prosesaa dokumentu benefisiáriu bolsa méritu
Jornalista : Celestina Teles
Editór : Cancio Ximenes
