DILI, 19 dezembru 2024 (TATOLI)—Parlamentu Nasionál (PN), tersa ne’e, aprova taxa impostu seletivu iha proposta Orsamentu Jerál Estadu (OJE) 2024 iha espesialidade ho votu a-favór 42, kontra 11 no abstensaun 12.
Notísia Relevante: Komisaun C konkorda Governu revee taxa impostu seletivu normaliza presu sasán
“Ne’ebé, artigu 3 pasa,” Prezidente Parlamentu Nasionál, Maria Fernanda Lay, fó sai iha sala plenária Parlamentu Nasionál (PN) iha debate proposta-lei OJE 2024 iha faze espesialidade.
Iha proposta-lei OJE artigu 3 kona-na impostu, taxa no kontribuisaun, iha númeru 5 hateten katak durante iha tinan 2024, taxa impostu seletivu konsumu aplikável:
a. Às águas, incluindo as águas minerais e as águas gaseificadas, adicionadas de açúcar ou de outros edulcorantes ou aromatizadas e outras bebidas não alcoólicas, exceto sumos (sucos) de fruta ou de produtos hortícolas, da posição 20.09, posição pautal 2202, é de US $3,00 por litro;
b. À cerveja de malte com teor de álcool inferior a 4,5%, posição pautal 2203.00.10, é de US $2,70 por litro;
c. À cerveja de malte com outros teores de álcool, posição pautal 2203.00.20, é de US $4,50 por litro;
d. Ao vinho, vermute e outras bebidas fermentadas, posições pautais 2204, 2205 e 2206, é de US $4,50 por litro;
e. Ao tabaco, posições pautais 2401, 2402 e 2403, é de US $50,00 por quilograma;
f. Aos automóveis ligeiros de passageiros, posição pautal 8703, é de 10% do valor que exceda US$10.000, 20% do valor que exceda US$25.000 e de 30% do valor que exceda US$50.000;
g. A pistolas de êmbolo cativo para abater animais, posição pautal 9303.90.00, é de 10% do valor.
Deputadu FRETILIN, Maria Angelica Rangel, hateten proposta-lei OJE 2024 ko’alia kona-ba taxa ho impostu kompara OJE 2023 ne’ebé Governu anteriór aprezenta hanesan de’it no iha orsamentu retifikativu mak hasai tiha, hanoin sujere ba oin Governu ida-ne’e atu halo ona lei tributária hodi haree ba taxa.
Deputadu FRETILIN, Antoninho Bianco, foti kona-ba iha proposta-lei ne’e iha alínea g) haree ba seguransa povu nian tanbasá Governu tau ida-ne’e, se bele tetu ka elimina tiha.
Deputadu CNRT, Cedelizia dos Santos, hanoin taxa ida-ne’e sei proteje produtu rai-laran hanesan Gota, Fresca no sira seluk tan.
Ministra Finansa, Santina Cardoso, dehan kona-ba taxa água ne’e TL a hakarak proteje produtu rai-laran hanesan saida mak Deputadu sira hato’o, no ministériu sei haree oinsá halo alterasaun ba lei tributária atu bele iha estudu kle’an ba taxa sira-ne’ebé aplika.
“Kona-bá alínea G, aplika10% hanesan mós iha orsamentu 2023 OJE no agora ita mantein,” nia hateten.
Notisia Relevante: https://tatoli.tl/2022/11/17/pn-aprova-oje-2023-hasae-taxa-impostu-seletivu-ba-konsumu-nian/
Jornalista : Nelson de Sousa
Editór : Cancio Ximenes
