KOVALIMA, 30 Abríl 2025 (TATOLI) – Konsellu Munisipál Kombatente Libertasaun Nasionál (CMCLN-sigla Portugés) iha Kovalima, submete ona fixa reklamasaun no kontestasaun mai husi postu hitu ne’ebé pertense ba munisípiu Kovalima hamutuk 4.611.
Prezidente Munisipál Kombatente Libertasaun Nasionál Kovalima, Osorio Soares “ Mausoko” informa katak, Konsellu munisipál CLN Kovalima submete fixa reklamasaun no kontentasaun ne’e , submete ba Ministériu Asuntu Kombatente Libertasaun Nasionál to’o ba faze ba da tolu.
“Fixa reklamasaun no kontentasaun ita submete ona liuhusi online nia dokumentu manuál ohin ami lori ba ona nasionál nune’e ita hein de’it desizaun husi ministériu bainhira mak atu fó sai nia rezultadu”, Osorio Soares “ Mausoko” relata dadus ne’e ba TATOLI, iha Tabakolot, ohin.
Bazeia ba dadus ne’ebé konsellu Munisipál Kovalima rejista Fixa reklamasaun no kontesaun hamutuk hamutuk 4, 611ne’ebé konsellu submete faze ba dahuluk fixa reklamasaun no kontestasaun hamutuk 1,819,ba daruak submete 1,047, ba datoluk submete 1,559 no ba dahaat 186.
Fixa reklamasaun no kontestasaun ne’e kompostu husi pesoál ne’ebé mak reklama no kontesta CLN , 3 a 7 , 0 a 3 no la,ós Konsellu Libertasaun Nasionál (CLN) no pesoál ne’ebé hato’o kontestasaun 8 a 14 Ho nune’e Konsellu Munisipál husu ba diretór Nasionál pensaun no subvensaun atu halo rejista Iha sistema ba dadus.
Dadus fixa reklamasaun no kontestasaun ba sira ne’ebé mak segundu rejistu iha 2009 no Ministériu ne’ebé konsellu submete ba Ministériu hamutuk 4,611 ne’e la inklui ba pesoál ne’ebé halo kontestasaun no reklamasaun kombatente ne’ebé rejista iha 2003 ho 2005 daudaun ne’e hamutuk 892.
Fó hanoin fali katak, Ministériu Asuntu Kombatente Libertasaun Nasionál fó sai dadus editál ba rejista daruak iha 2009 mai husi postu Administrativu Fatululik, Fatumea, Fohorem , Tilomar , Maukatar , Suai no Zumalai hamutuk 7,945 publika , iha loron 15 Janeiru ne’e.
Jornalista:Celestina Teles
Editór: Rafael Ximenes de A. Belo
