DILI, 29 Maiu 2025 (TATOLI)—Philippine Air Force ne’ebé transporta fujitivu Arnolfo Teves Jr, ne’ebé loloos semo iha tuku 14:00 Otl, maibé adia tanba failansu tékniku.
Tuir informasaun ne’ebé Tatoli asesu iha terrenu katak aviaun ne’e antigu nian, tanba ne’e iha nia ekipamentu avaria liuliu iha batria.
Tuir obrservasaun Tatoli, pilotu husi aviaun referida ein-koordenassun ho parte Administrasaun Navegasaun Aérea Timor-Leste (ANATL) haree hela hodi check aviaun nia parte balun ne’ebé avaria.
Notísia relevante: Arnolfo Teves deportadu ho Philippine Air Force no tatoli hela obrigadu ba Timor
Ema sira-ne’ebé mak iha aviaun laran inklui jornalista internasionál sira tun hotu hodi hamriik iha li’ur hodi konversa halimar ho pesoál aeroportu kona-ba kondisaun aviaun ne’e, enkuantu Arnolfo Teves kontinua iha aviaun laran.
Parte autoridade seguransa Timor-Leste ne’ebé fó seguransa ba Arnolfo mós seidauk husik Aeroportu Internasionál Nicolau Lobato tanba kondisaun aviaun referida.
Kona-ba failansu ne’e, Prezidente ANATL, Romaldo da Silva, halo kedas koordenasaun ho parte aeroportu liuliu parte torre aviaun nian. Aviaun foin bele semo iha tuku 15:41 Otl.
Jornalista: Natalino Costa
Editór: Xisto Freitas da Piedade
