BOBONARU, 10 Jullu 2025 (TATOLI)–Ezekusaun Orsamentu Jerál Estadu (OJE) tinan fiskál 2025 iha Autoridade Munisípiu Bobonaru hahú trimestre dahuluk no tama ona ba trimestre datoluk ne’e atinje ona 61%, ekivale ba orsamentu ho montante $5.523.904,83 husi totál alokasaun anuál $11.308.414,00.
Diretora Sekretariadu Finansa Autoridade Munisípiu Bobonaru, Donata Marques informa progressu ezekusaun ba kategoria lima hanesan saláriu no vensimentu alokasaun anuál $2.761,l.552,00 gastu $1.225.030,70 (44%) no balansu $1.536.521,30. Kategoria Bens no Servisu alokasaun anuál $1.377.833,00, kompromisu $26.199,00, obrigasaun $302.534,15, gastu $362.696,00 (48%), balansu $686.403,85.
Transferénsia Públika alokasaun $5.383.247,00, kompromisu $881.581,79, obrigasaun $1.243.855,62, gastu $3.553.230,26 (75%), balansu $915.157,15.
Kapitál Menór alokasaun anuál $50l.000,00, kompromisu $383.940,00, obrigasaun $34.960,00, gastu (0), saldu $81.100,00. Kapitál Dezenvolvimentu alokasaun $1.285.782,00, kompromisu (0), obrigasaun $582.747,70, gastu $382.974,87 (75%), balansu $320.059,43.
Notísia Relevante:AMB ezekuta ona OJE 2025 iha trimester dahuluk ho pursentu-13
“Ezekusaun jerál atinje ona 61% ho montante $5.523.904.83. Husi totál alokasaun anuál $11.308.414,00. Agora kompromisu $1.921.720,79, obrigasaun $2.164.097,47 no saldu hela $3.539.241,73,” nia informa ba jornalista sira iha nia kna’ar-fatin, kinta ne’e.
Donata Marques sekunda husi totál kategoria lima ne’e ezekusaun boot liu mak Kapitál Dezenvolvimentu ho nia persentajen 75 no ki’ik-liu mak Kapitál Menór ho persentajen (0).
“Nia persentajen sei zero, tanba ita halo ona kontratu ho kompañia atu fornese viatura operasionál ba postu administrativu neen, karru-funerál ida, karreta truk ra’ut lixu iha kapitál Maliana ida. Sasán sira-ne’e tama mak ita foin halo pagamentu. Ita haree Kategoria Kapital Dezenvolvimentu ezekusaun boot-liu tanba haree liubá projetu neen ne’ebé mak agora ita implementa hela no mós ami halo ona pagamentu adiantamentu ne’e mak nia persentajen sai boot ne’e,” nia esplika.
Enkuantu, totál orsamentu ba Autoridade Munisípiu Bobonaru tinan 2025 ne’e atu finansia ba programa 16, sub-programa 35 no atividade 80.
Jornalista: Sergio da Cruz
Editór: Xisto Freitas da Piedade
