DILI, 20 Agostu 2025 (TATOLI)- China Media Group (CMG) hato’o agradesimentu ba Konsellu Diretivu Ajénsia Tatoli,I.P tanba konsege delega jornalista na’in-rua ba partisipa eventu CMG China Walk-Vibran Hainan 2025.
China Media Group (CMG) halo kooperasaun ho Ajénsia Tatoli iha tinan kotuk, hodi hametin kooperasaun iha área jornalistika nian, nune’e tinan ida-ne’e Ajénsia Tatoli.I.P hanesan media ofisiál Estadu Timoo-Leste nia dahuluk hetan konvite husi CMG hodi bá partisipa “Vibrant Hainan event Joint Interview and Seminar for ASEAN Media Partners” ne’ebé organiza husi sentru China Media Group’s ba nasaun Asia-Afrika ho atividade prinsipál maka oinsá atu vizita Xina liuliu iha provínsia Hainan.
“Agradese ba lideransa Ajénsia TATOLI,.I.P tanba bele haruka jornalsta nain- rua partisipa iha eventu ne’e no ba futuru CMG sei konvida tan jornalista Tatoli partisipa eventu oioin kona ba Xina hodi públika iha plataforma Tatoli nian iha lian Tetun”, dehan Reprezentante xefe CMG, Sum Murning ba Ajénsia TATOLI iha Xina, ohin.
Iha Fatin hanesan, Jornalista no Editór Fotografer, António Daciparu, ne’ebé bá partisipa eventu ne’e iha Xina hateten ne’e hanesan oportunidade ba jornalista Tatoli ba oin hodi partisipa eventu ne’ebé realiza husi CMG hansan mós parte ida hametin relasaun Tatoli ho CMG.
Iha eventu ne’e jornalista Tatoli hamutuk ho jornalista husi nasaun Asia, halo vizita bá fatin siénsia tenolojia modernu , fatin teste ba automolizmu, Hainan Tropical Auto, Ospital Boao Yoling hanesan fatin kurativu mais modernu iha Hainan no China (hainan Muzeum)
CMG daudaun ne’e iha publikasaun lian ofisial husi nasaun ASEAN nian no ba futuru sei iha mós publikasaun lian Tetun iha plataforma CMG nian.
Notisia relevante: Ajénsia Notisioza TATOLI no China Media Group asina akordu kooperasaun iha Xina
Jornalista: Argentina Cardoso
Editór: Florencio Miranda Ximenes
