DILI, 21 Jullu 2026 (TATOLI)–Tribunál Judisiál Primeira Instánsia Dili (TJPID), Tersa ne’e, halo interrogatóriu dahuluk ba arguidu na’in-32 ne’ebé Polísia Sientífika Investigasaun Kriminál (PCIC, sigla portugés) asegura no detein iha apartamentu ualu iha City8, Manleuana, iha Sesta (17/07) ne’e.
Ministériu Públiku (MP) promove ho krime burla informátika, asosiasaun kriminozu no brankamentu kapitál.
Iha alegasaun, MP ne’ebé reprezenta husi Prokuradór João Marques no Rafael Gusmão iha alternativu rua, husu Tribunál aplika medida koasaun prizaun preventiva no medida kausaun ho osan $10.000 ba kada arguidu sira.
Parte Defeza, João Sera husu ba Tribunál atu aplika medida koasaun aprezentasaun períodika, medida proibisaun auzénsia no medida kausaun bazeia ba arguidu sira-nia ekonomia no forsa.
Notísia relevante : PM Xanana akompaña direta Autoridade Seguransa desmantela rede scam
Hafoin rona tiha parte hotu, Juíz Estájiariu Rosito Guterres hasai despaisu aplika medida haat ba arguidu na’in-32 hanesan medida koasaun Termu Identidade Rezidénsia (TIR), medida koasaun aprezentasaun períodika hodi ba aprezenta-an semana ida dala-ida ba Postu Polísia ne’ebé mak besik, medida proibisaun auzénsia no medida prestasaun kausaun ho osan $2.000 ba kada arguidu.
Jornalista : Natalino Costa
Editora : Julia Chatarina
