DILI, 04 fevereiru 2020 (TATOLI)-Adjuntu Prezidente Autoridade Munisípiu Dili, José Filipe Ximenes Smith, observa katak, polítika estabelesimentu fatin estasionamentu ba transporte públiku iha kapitál nasaun nian sei kontribui reseita ba kofre estadu.
“Ita tenke implementa programa ida ne’e hodi ita-nia ekonómia bele la’o,” dehan, Jeca Smith ba TATOLI, iha ninia servisu fatin, Matadouru ohin.
Notísia Relevante : Munisípiu Dili Rekolla $59.107.65 Hosi Taxa Estasionamentu
Nia apela ba utilizadór sira tenke iha konsensia hodi selu osan ba pesoál ne’ebé maka destaka iha fatin estasionamentu tanba sei kontribui taxa ba estadu hodi apoiu prosesu dezenvolvimentu.
Notísia Relevante : Munisipiu Dili Hatama Ona Resitas $60.000 Ba Kofre Estadu
“Ita labele hein setór ida de’it no labele hein fundu mina-rai maibé ita mós hanoin oinsá kontribui ba rendimentu ida sustentabilidade ba dezenvolvimentu nian iha ita-nia rain,”tenik tan.
Autoridade Munisípiu Dili ne’e realsa tan katak fatin estasionamentu estabelese de’it iha fatin públiku sira hanesan merkadu, supermerkadu, eskola no igreja.
Notísia Relevante : Taxa Estasionamentu Merkadu Taibesi Tun
Jornalista : Osória Marques
Editór : Francisco Simões
