DILI (TATOLI)—Xefi Sasana Laka Boxing Atambua (SLBA), Indonézia, Vincent Laka, garante ninia boxista sei lori fila medalla osan mean haat ba Indonézia, hosi Turneiu Regional Open ne’ebé maka realiza iha Postu Administrativu Maliana Vila, Munisípi Bobonaro.
Vincent Laka sente kontenti ho eventu ne´ebé organiza hosi Federasaun Boxing Amadora Timor-Leste (FBATL). No SLBA sente katak, sira sai sai vensedór, basa SLBA iha preparasaun ne´ebé di´ak intermus mentál no fízikamente.
“Ami sente orgullu tanba Timor-Leste konvida ona ami hodi partisipa hamutuk ho Boxista Timor-Leste iha kompetisaun ne’e. Ha´u hein katak ho eventu ida ne’e bele hamosu fini boxista Timor ne´ebé di´ak,” nia tenik ba jornalista sira iha Jináziu Maliana, Segunda (29/05), ne´ebé ajénsia Tatoli asesu hosi fonte ofisiál ida hosi FBATL.
Senti kontenti tebes, tanba turnamentu Regional Open ida ne’e, parte Timor-Leste simu SLBA sira ho di´ak hodi halo rowing.
Laka husu ba Timor-Leste tenke kuda fini agora hodi atinji prestasaun iha futuru mai, tanba oras ne’e Timor-Leste menus boxista seniór.
Partisipasaun SLBA iha eventu ne’e, ho boxista hamutuk na´in 9 kompostu hosi mane 7 no feto na´in 2 ho ofisiál nian 5.
(Jornalista: Xisto Freitas)
(Editór : Manuel Pinto)
