OÉ-CUSSE, 31 jullu 2019 (TATOLI)—Mandatu Prezidente Autoridade Rejiaun Administrativa Espesiál Oé-Cusse Ambeno (RAEOA), Marí Bim Amude Alkatiri, ramata ona iha loron 30 jullu tinan ne’e.
Tanba ne’e, ohin (31/7) tuku 12:15, Alkatiri husik ona Oé-Cusse hodi fila hikas ona ba Dili, ho aviaun ZEESM.
Lee mós:
Alkatiri: ‘‘Laiha Despedida!”
Hafoin Enkontru Introdutóriu, Aban Ekipa Tranzisaun Hala’o Serbisu
Iha Areroportu Internasionál Rota do Sândalo Oé-Cusse, Alkatiri hateten, nia lakohi atu fó ‘adeus’ tanba ohin nia ba maibé sei fila hikas mai Oé-Cusse.
‘‘Loron aban hahú ohin. Signifika, bele aban, bele bainrua ha’u sei mai fali,” líder nasionál ne’e hateten.
Iha Aeroportu Rota do Sândalo, Alkatiri hetan akompañamentu hosi Sekretáriu Rejionál sira, kargu xefia no funsionáriu RAEOA.
Jornalista: Cipriano Colo
Editór: Xisto Freitas
