iklan

EKONOMIA, HEADLINE

Atu Sosa Bus, MTK Prevee Orsamentu Millaun $2

Atu Sosa Bus, MTK Prevee Orsamentu Millaun $2

Foto Google

DILI, 19 agostu 2019 (TATOLI)–Diretór Jerál Finansa hosi Ministériu Transporte no Komunikasaun (MTK), Deonísio de Araújo, hatete orsamentu 2020 prevee ona millaun $2 hodi hola bus.

“Orsamentu hola bus hamutuk millaun $2 ne’ebé tama ba kapitál menór, hola bus ne’e klaru ona no orsamentu alokadu” Deonísio Araújo ba Ajénsia Tatoli hafoin enkontru ho Diretór Jerál sira, Diretór Nasionál, Xefe Departamentu inklui funsionáriu hosi diresaun MTK atu fahe informasaun relasiona ho Orsamentu Jerál Estadu (OJE) 2020, Kaikoli, ohin.

Orsamentu MTK, liuhosi envelope fiskál ne’ebé Governu através Ministériu Finansa atribui ona ho valór millaun $5-resin, enkuantu millaun $2 prevee ba sosa bus, nu’udar planu prioridade ministériu nian.

Orsamentu atu hola bus, tuir Deonísio de Araújo nia parte ladauk hatene bus hira maka sei hola maibé orsamentu prevee ona ho millaun $2.

Bus ne’ebé atu hola ho objetivu tula pasajeiru sira iha Dili laran, kuandu mikrolete halo greve.

Parte seluk, ezekusaun orsamentu hosi MTK iha 2019, hamutuk porsentu 50.6.

Jornalista : Natalino Costa

Editora     : Maria Auxiliadora

 

iklan
iklan

One Comment

  1. Konaba bus diak liu halai Permanente ona, tamba dalabarak ona acidente iha capital dili mak sae makaas bebek, ho suzere atu bus mak halo actividade de pasajeiru sıra, no mikeolet muda ba municipio, posto i sucos, ida tan mak ho traffic light sempre iha problema hela deit, entaun husi sıra ne mak persija tebes atu tetu ba futuro, Laos bus atu rezerva lae, maibe halao actividade normal. Obrigado abc🙏☕

Leave a Reply

iklan
error: Content is protected !!