DILI, 03 dezembru 2019 (TATOLI)—Oitavu Governu Konstitusionál lideradu Primeiru-Ministru, Taur Matan Ruak, dada ona proposta orsamentu jerál Estadu (OJE) 2020 husi Parlamentu Nasionál (PN).
“Governu pondera no aseita retira fali orsamentu jerál Estadu no promete katak iha tempu badak sei ajusta hotu-hotu hodi akomoda preokupasaun deputadu sira-nian hotu hodi aprezenta filafali iha diskusaun oin mai”, Primeiru-Ministru, Taur Matan Ruak, ko’alia hafoin deputadu sira husu dada proposta ne’e tanba la estrutura no kontra Lei Jestaun Finanseira, iha plenária Parlamentu Nasionál, tersa ne’e.
Lee mós: Bankada Governu no Opozisaun Propoin Dada Proposta OJE 2020
Xefe Governu agradese ba deputadu sira nune’e hadi’a di’ak liután proposta orsamentu ida-ne’e.
Primeiru-Ministru konsidera preokupasaun deputadu sira-nian lejítimu, tanba ne’e Governu simu no rejista. “Obrigadu barak ba kobtribuisaun sira hotu”, Taur dehan.
Jornalista: Evaristo Soares Martins
Editór: Xisto Freitas
