Governu Distribui Apoiu Rekuperasaun ba Uma-kain 717
DILI, 19 dezembru 2019 (TATOLI)-Governu liuhusi Sekretária Estadu Protesaun Sivíl (SEPS), distribui ona materiál konstrusaun ba uma-kain 717 ne’ebé afetadu hosi dezastre naturaís anin sobu no inséndiu iha 2019.
Notísia Relevante : Governu Distribui Apoiu ba Vítima Inséndiu iha Liquiça ho Ermera
Familia uma-kain hirak ne’ebé sai vítima hirak ne’e husi Munisípiu Aileu, Bobonaro, Ermera, Liquiça, ne’ebé sei simu materiál konstrusaun hanesan besi, pregu, kalén ho ai-kuadradu no orsamentu mão de obra.
“Ita hahú distribui fó apoiu materiál konstrusaun ba komunidade sira ne’e,” informa Sekretáriu Estadu Protesaun Sivíl, Alexandrino de Araújo Xavier, ba Jornalista iha Palacio do Governo.
Vítima hirak ne’e sei hetan apoiu material tuir nia grau, mak hanesan aat total, aat natoon ho aat kaman.
Jornalista : Nelson de Sousa
Editór : Francisco Simões
