DILI, 18 maiu 2020 (TATOLI)-Ministériu Saúde daudaun ne’e sei kontinua iha prosesu estabelesimentu kontratu ho kompañia forñese hahán ba fatin kuarentena, Otél no kompañia reabilita fatin kuarentena obrigatóriu hamutuk 53 relasiona ho kazu surtu COVID-19 iha Timor-Leste.
Diretór Nasionál Aprovizionamentu husi Ministériu Saúde, Bernadino Armando da Silva, hateten nia parte sei finaliza prosesu kontratu ho kompañia hotu-hotu durante semana ida ne’e para submete ona Diresaun Finansa hodi halo pagamentu.
Notísia Relevante :Semana Oin, MF Halo Pagamentu ba Otél Ne’ebé Governu Uza ba Fatin Kuarentena
“Ami agora daudaun rekolla dadus no ohin ami asina ona hamutuk sanulu-resin ona kona-ba ida ne’e,” relata, Bernadino ba Tatoli, via telefone segunda (18/05/2020).
Iha biban seluk, Diretór Nasionál Planu Finansa Ministériu Saúde, Marcelo Amaral promote ninia diresaun sei hahú halo pagamentu ba kompañia hirak ne’e bainhira simu ona lista kontratu sira husi Diresaun Aprovizionamentu.
“Kontratu agora daudaun sei iha Diresaun aprovizionamentu mak asina kontratu sira ne’e maibé agora daudaun sei iha sira nia liman,” nia informa.
Entretantu, Governu uja ona otél sira hanesan Audian, Vila-Verde, Lecidere, Novo Horizonte, Otél Colmera, Otél Katuas, Fantiza no kompañia sira seluk.
Jornalista : Felicidade Ximenes
Editór : Agapito dos Santos
