DILI, 24 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten ezekusaun prosesu pagamentu subsídiu $200 ba benefisiáriu sira iha munisípiu 12 atinje ona 94% ho totál reklamasaun hamutuk 10.965.
Notísia Relevante: Governu Halo Ona Pagamentu ba Uma-Kain 268.999 ho Totál Orsamentu $53.799.800
“Prosesu pagamentu subsídiu $200, hahú hosi loron 09-23 juñu 2020, atinje ona 94%. Ita-nia ekipa pagamentu rejistu reklamasaun hamutuk 10.965 iha Munisípiu 12 la inklui RAEOA,” dehan Diretór Jerál MSSI, Rui Manuel Gago Exposto, ba jornalista sira iha salaun MSSI, Caicoli, Dili, kuarta ne’e.
Nia relata progresu pagamentu horisehik (23/06/2020), katak ekipa pagamentu MSSI halo ona pagamentu iha munisípiu 12 iha Timor-Leste ho nia detallu mak hanesan, totál uma-kain ne’ebé mak simu ona pagamentu 270.126 ho totál osan ne’ebé selu ona $54.025.200.
“Naran ne’ebé mak iha lista benfisiáriu hosi Munisípiu 12 la inklui RAEOA hamutuk 298.495, totál montante orsamentu aprovadu ba munisípiu 12 la inklui RAEOA mak $59. 699.000,” nia dehan.
Nia informa, iha Munisípiu Aileu, totál uma-kain ne’ebé simu ona pagamentu 12.398, totál osan ne’ebé selu ona hamutuk $2.479.600 no totál naran iha lista benfisiáriu hamutuk 12.958.
Iha Munisípiu Ainaro, totál uma-kain ne’ebé simu ona pagamentu hamutuk 13.264, totál osan ne’ebé selu ona hamutuk $2.652.800 no totál naran iha lista benfisiáriu hamutuk 17.245.
Iha Munisípiu Baucau, totál uma-kain ne’ebé simu ona pagamentu hamutuk 32.520, totál osan ne’ebé selu ona hamutuk $6.504.000 no otál naran iha lista benfisiáriu hamutuk 34.151.
Iha Munisípiu Bobonaro, totál uma-kain ne’ebé simu ona pagamentu hamutuk 26.320, totál osan ne’ebé selu ona hamutuk $5.264.000 no otál naran iha lista benfisiáriu hamutuk 28.342.
Iha Munisípiu Covalima, totál uma-kain ne’ebé simu ona pagamentu hamutuk 17.680, totál osan ne’ebé selu ona hamutuk $3.536.000 no totál naran iha lista benfisiáriu hamutuk 18.262.
Iha Munisípiu Dili, totál uma-kain ne’ebé simu ona pagamentu hamutuk 52.209, totál osan ne’ebé selu ona hamutuk $10.441.800 no totál naran iha lista benfisiáriu hamutuk 64.913.
Iha Munisípiu Ermera, totál uma-kain ne’ebé simu ona pagamentu hamutuk 30.943, totál osan ne’ebé selu ona hamutuk $6.188.600 no totál naran iha lista benfisiáriu hamutuk 32.585.
Iha Munisípiu Lautém, totál uma-kain ne’ebé simu ona pagamentu hamutuk 17.076, totál osan ne’ebé selu ona hamutuk $3.415.200 no totál naran iha lista benfisiáriu hamutuk 18.474.
Iha Munisípiu Liquiçá, totál uma-kain ne’ebé simu ona pagamentu hamutuk 19.315, totál osan ne’ebé selu ona hamutuk $3.863.000 no totál naran iha lista benfisiáriu hamutuk 20.357.
Iha Munisípiu Manatuto, totál uma-kain ne’ebé simu ona pagamentu hamutuk 13.069, totál osan ne’ebé selu ona hamutuk $2.613.800 no totál naran iha lista benfisiáriu hamutuk 13.938.
Iha Munisípiu Manufahi, totál uma-kain ne’ebé simu ona pagamentu hamutuk 14.237, totál osan ne’ebé selu ona hamutuk $2.847.400 no totál naran iha lista benfisiáriu hamutuk 15.008.
Iha Munisípiu Viqueque, totál uma-kain ne’ebé simu ona pagamentu hamutuk 21.095, totál osan ne’ebé selu ona hamutuk $4.219.000 no totál naran iha lista benfisiáriu 22.262.
Jornalista : Osória Marques
Editor : Cancio Ximenes
