iklan

NASIONÁL, DILI, SEGURANSA

Lei Baze Protesaun Sivíl Haforsa Koordenasaun Servisu

Lei Baze Protesaun Sivíl Haforsa Koordenasaun Servisu

Sekretáriu Estadu Protesaun Sivíl (SEPS), Joaquim José Gusmão dos Reis Martins. Imajen Tatoli/Dok.

DILI, 02 jullu 2020 (TATOLI) – Sekretáriu Estadu Protesaun Sivíl (SEPS), Joaquim José Gusmão dos Reis Martins, esklarese katak ezbosu lei protesaun sivíl kuandu hetan ona aprovasaun final hodi implementa maka sei haforsa koordenasaun servisu entre liña ministerial no entidade relevante sira hodi haree ba asuntu emerjénsia dezastre naturaís.

Notísia Relevante : SEPS Fó Prioridade Iha Area Protesaun Sivíl

“Vantajen boot tebes tanba ita iha ona lei baze ida atu bele atua no métodu koordenasaun ho di’ak liután hosi nasionál to’o munisípiu,”  informa SEPS Joaquim José Gusmão dos Reis Martins, ba Jornalista sira, ohin, hafoin remata enkontru ho Primeiru-Ministru Taur Matan Ruak, ohin, iha Palaçio do Governo.

Nia esplika, lei ne’e sei define klaru ajente ne’ebé servisu iha protesaun sivíl. Tanba ne’e, nia fiar katak lei ne’e sei hetan aprovasaun final iha Parlamentu Nasional.

Antes ne’e eis Sekretáriu Estadu SEPS, Alexandrino Araujo Xavier, hateten ezbosu lei ne’e ho nia artigu hamutuk 67 sei sai hanesan matadalan atu hala’o dezenvolvimentu area protesaun sivíl di’ak liu tan iha futuru.

Jornalista   : Nelson de Sousa

Editór        : Francisco Simões

iklan
iklan

Leave a Reply

iklan
error: Content is protected !!