DILI, 03 jullu 2020 (TATOLI)-Governu liuhosi Ministériu Edukasaun Juventude no Desportu (MEJD), iha inisíu 2020 liubá ne’e koko implementa politika foun ba programa merenda merenda eskolár ho ai-han lokál.
Diretór Nasionál Asaun Sosiál Eskolár (DNASE), Joaquin Martins, hateten MEJD iha fulan janeiru to’o marsu liubá implementa menu foun ba programa merenda eskolár ho produtu lokál.
Notísia Relevante :Subsídiu Merenda Eskolár Ba Kada Estudante Mantein Sentavu 0,25
Maibé programa menu ne’e la kontinua to’o ohin loron tanba laiha Orsamentu Jerál Estadu 2020.
Notísia Relevante :Duodésimu Implika Oráriu Merenda Eskolár
Tanba tuir konkordansia entre Ministériu Edukasaun Juventude no Desportu (MEJD), Ministériu Administrasaun Estatál (MAE) no Ministériu Saúde deside ona hodi aumenta osan konsensaun eskolár ba kada estudante $ 0.50 kompara ho antes ne’e $ 0.25.
Notísia Relevante :DNASE Sei Fornese Foos-Rai Saka 8.000 Apoiu Programa Merenda Eskolár
Nia dehan ho OJE 2020 ne’ebé maka sumba iha Parlamenntu Nasionál maka daudaun ne’e orsamentu ba programa merende eskolár kada estudante mantein $ 0.25.
“Ami espera katak OJE 2021 ne’e mak aprova ita sei hasa’e fali orsamentu kada estudante purvolta 0,50 sentavu ho menu ne’ebé mak ita uza maihusi produtu lokál hanesan modo tahan sira ne’ebé mak ita-nia agrukultór sira kuda, akompaña ho na’an karau no manu timor,” dehan nia ba TATOLI, iha servisu fatin Vila Verde.
Notísia Relevante :Inan-Aman Tenke Kontrola Menu Merenda Eskolár
Hodi hatutan tan katak atu hadi’a menu merenda eskolár ba estudante ensinu báziku iha Timor-Leste maka MEJD, MAE ho MS hamutuk ho parseiru dezenvolvimentu sira dezenvolve hela manual ba menu merenda eskolár atu implementa iha 2021.
Durante nee Ajénsia Nutritivu sira maka dezenvolve menu merenda eskolár maibé agora MEJD koordena ona ho Care Internasionál, WFP no PERSIK maka deside menu foun.
Notísia Relevante :Ajénsia Internasionál Tulun Governu Hadi’a Kualidade Merenda Eskolár
Iha posibilidade programa merenda eskolár sei funsiona normal ba estudante sira iha fulan-agostu ne’e.
Jornalista : Tomé Amado
Editór : Agapito dos Santos
