DILI, 04 jullu 2020 (TATOLI)-Ministru Asuntu Parlamentár no Komunikasaun Sosiál, Francisco Jerónimo, dehan apresia ho servisu Jornalista Timor-Leste tanba hala’o sira-nia profisaun hodi divulga informasaun ba públiku no hanesan kontrola sosiál.
Maski públiku sei hato’o kritiku oioin kona-ba profesionalismu hasoru jornalista sira nian, maibé Governante ne’e apresia ho kontribuisaun jornalista ba prosesu dezenvolvimentu rai-laran durante ne’e la’o di’ak.
Notísia Relevante :Governu Sei Kontinua Dezenvolve Mídia
“Maibé ba ha’u la’ós atu dehan profisionál ka la’ós profisionál maibé prezensa jornalista nian ajuda ona Governu sira atu trasmite informasaun ba públiku sira iha rai-laran no mós rai-li’ur,”dehan Ministru Asuntu Parlamentár no Komunikasaun Sosiál, Francisco Jerónimo iha Salaun Delta Nova, sábadu ne’e.
Notísia Relevante :Ministru Francisco Husu Ofisiál Mídia Promove Servisu Ezekutivu Iha Portál Governu
Governu ne’ebé lidera husi Primeiru-Ministru, Taur Matan Ruak, kontinua fó valór ba servisu jornalista Timoroan sira iha futuru. No garante liberdade imprensa ba mídia sira atu transmite no divulga informasaun ba povu.
Jornalista : Felicidade Ximenes
Editór : Agapito dos Santos
