DILI, 06 jullu 2020 (TATOLI)-Diresaun Jerá Ensinu Sekundáriu husi Ministériu Edukasaun Juventude no Desportu (MEJD), oras ne’e prepara ona planu prioridade ba 2021 kona-ba dezenvolvimentu Eskola Ensinu Sekundáriu no Tékniku Vokasionál liliu iha área akontabilidade, komérsiu, turizmu, hotelaria ba
Diretór Jerál Ensinu Sekundáriu, Deolindo da Cruz, hateten nia parte sei aprezenta planu ne’e ba Ministru Edukasaun Armindo Maia, iha tempu badak.
“Ha’u foti referensia husi eskola indústria tekníku auto movel ne’ebé loke ona iha Timor hanesan Fatumaka, no ESTV Becora, eskola sira ne’e ninia orientasaun ba merkadu traballu maibé agora ita-nia indústria laiha ,”dehan nia ba TATOLI, iha Vila Verde, ohin.
Timor-Leste presiza rekursu umanu ne’ebé kualifikadu iha área espesifiku tanba ne’e nia propoin atu dezenvolve kapasidade jerasaun foun nian iha área soft skill.
“Ha’u hein depois aprezenta ona hanoin hirak ne’e ba Ministru inklui ho planu orsamentu jerál 2021 nian bele hetan mós apoiu, maibé ha’u mós sei buka apoiu tan husi parseiru sira atu aselera planu prioridade sira ne’e,”katak Nia.
Eskola Sekundáriu Tékniku Vokasionál Becora no Eskola Tékniku Fatumaca Baucau, estabelese ona indústria téknolojia mek’anika no auto movel.
Jornalitsa : Tomé Amado
Editór : Agapito dos Santos
