VIQUEQUE, 10 jullu 2020 (TATOLI)-Governu liuhosi Vise Ministru Edukasaun Juventude no Desportu, António Guterres, iha sesta (10/07) liubá halo ona observasaun direta ba kondisaun eskola Ensinu Báziku Filiál 28 Novembru Afaloicai, Munisípiu Viqueque ne’ebé didin de’it ho au (bambu).
Governante ne’e sente triste ho kondisaun eskola ne’e tanba hahú grave no la suporta estudante sira atu hala’o prosesu aprendizajen.
“Ha’u ninia odamatan Gabinete nian nakloke ba Ensinu Báziku Filiál Afaloicai. Imi bele ba ha’u nia fatin iha kualker tempu, ha’u prontu no disponivel hasoru imi nune’e ita bele buka dalan atu ajuda futuru oan sira nian,”dehan Governante iha EBF Afaloicai.
Nia promete problema EBF Afaloicai sai mós ajenda prioridade durante ninia mandatu tinan rua-resin atu halo kontrusaun foun.
Jornalista : Tomé Amado
Editór : Agapito dos Santos
