DILI, 15 jullu 2020 (TATOLI)-Klube Jigante Kapitál Dili, Boavista FC Timor, iha ninia akun facebook fó sai ona sei la partisipa iha kompetisaun futeból ne’ebé maka organiza husi Federasaun Futeból Timor-Leste iha fulan-agostu 2020.
Razaun husi sira-nia desizaun ne’e tanba laiha orsamentu atu sustenta funsionamentu klube hodi partisipa iha eventu refere.
Iha parte seluk, Kapitaun klube, Nataniel Reis, sei foti desizaun atu sai husi klube Boavista bainhira hetan kontratu husi klube nasionál seluk.
Notísia Relevante :Nataniel Prontu Joga iha Klube Seluk Bainhira Boavista La Bolu
“Boavista deklara ona iha mídia facebook sei la tuir Kopa FFTL, razaun dehan “bankrut”, ha’u prontu nafatin partisipa iha jogu, maibé depende ba klube balu presija ha’u hakarak ka lakohi, hanesan jogadór tenki partisipa,” dehan nia ba Tatoli, iha ninia rezidensia, kuarta ohin.
Maski nune’e, nia dehan seidauk simu informasaun loloos husi treinadór Klube kona-ba desizaun la partisipa iha Kopa FFTL .
Notísia Relevante :Boavista Hakat Ona ba Semi Finál Tasa 12 Novembru
Enkuantu, Klube ne’eb’e hamahan aan iha Liga Futeból Amadora (LFA) marka ona istoria iha époka 2017 hodi sai kampiaun ba LFA no Super Taxa.
Iha 2019, klube ne’e mós partisipa ona iha kompetisaun futeból LFA no taxa 12 de Novembru. Nune’e iha tinan hanesan Klube Nasional Timor-Leste nian ne’e mós halo ona jogu amizavel ho klube Bali United Indonézia.
Jornalista : Hortencio Sanchez
Editór : Agapito dos Santos
