DILI, 19 jullu 2020 (TATOLI)–Membru Organizasaun Sosiedade Sivil Asia Justice and Rights (AJAR), Inocencio de Jesus Xavier, konsidera Lei Antí Corrupção LAC) ne’ebé transforma fali ba Medida Prevensaun no Kombate Korupasaun (MPCC, sigla postugés) importante tebes tanba bele prevene atu ema labale halo korrupsaun.
“Ami hanoin katak Lei ne’e importante duni, tanba bele ajuda ita-nia estadu bele prevene atu ema labale halo prátika korrupsaun. Lei ida-ne’e atu bele fó dalan ba ita-nia komisáriu sira hodi bele halo sensibilizasaun,” dehan Inocencio de Jesus Xavier ba Agência TATOLI iha salaun Konsellu Imprensa, Kintál Boot, Dili, foin lalais ne’e.
Nia hateten, Lei Medida Prevensaun no Kombate Korrupsaun (MPPC) ne’e labele de’it iha kestaun lejislasaun de’it maibé mós bele integra iha kuríkulu eskolár ensinu hotu-hotu, tanba sira ne’e preparadu sai lideransa iha future.
Tanba, nia dehan, bainhira jerasaun foun sira maka la komprende kona-ba sasán sira ne’ebé mak bem públiku ne’e, sei afeta ba Lei ne’e rasik tanba nia efetividade ba Lei ne’e ema la komprende no ema sei kontinua kontra hodi halo asaun elijitu ne’ebé maka sei kontrariu liuliu ba boa governasaun.
AJAR nia esperansa ba oin maka Lei ne’e rasik bele fó ba komisáriu, ivestigadór no la’os ba sira de’t maibé ba sosiedade timorense sira hotu tanba aktu korupsaun ne’e funu inimigu ida ba públiku ka sidadaun hotu-hotu nian.
Nia esklarese, atu asegura fó defeza ba bens estadu Timor-Leste nian sasán sira ne’ebé mak iha públiku ne’e povu nian, tanba ne’e hotu-hotu tenke tau atensaun iha aktu elijitu ruma ne’bé liga ho aktu korrupasaun, hanoin ema hotu-hotu iha obrigasaun bele hato’o renunsia ba orgaun kompetente halo prosesu.
Ba ida ne’e, AJAR mós apresia ba Kintu Lejizlativu ne’ebé hola inisiativa liuliu Komisaun A Parlamentu nasionál ho Ministériu relevante sira hanesan Ministériu Justisa konsege pasa ona esbosu-Lei Antí Corrupção (LAC) iha semana hirak kotuk ba no lori ona ba meza parlamentu.
Jornalista : Osória Marques
Editór : Cancio Ximenes
