DILI, 21 jullu 2020 (TATOLI)-Treinadór Prinsipál Klube Primeira Divizaun Liga Futeból Amadora, Aitana FC,João Samantha, hateten nia klube laiha osan atu kontrata jogadór rai-liur hodi mai reforsa jogadór nasionál ba eventu Kopa Federasaun Futeból Timor-Leste ne’ebé maka sei realiza iha fulan-agostu Dili.
“Nu’udar klube ami-nia posizaun orgullu hodi partisipa iha Kopa FFTL ne’e,” dehan João ba TATOLI via media sosiál WhatsApp tersa ohin.
Jogadór sira husi klube ne’e, nia dehan uza jogadór lokál no daudaun ne’e sira treinu hela hodi kompete iha eventu futeból nasionál ne’e.
Notísia Relevante :FFTL Realiza Kopa 2020 ho Osan Rihun $ 200
Entretantu, FFTL realiza Kopa ne’e ho orsamentu rihun $ 200 ne’ebé mak hetan apoiu husi Federation International Football Assosiation (FIFA).
Husi rihun $ 200 ne’e pursentu 74 investe direta ba klube hanesan premiu, subsídiu no rihun $ 24 aloka ba árbitru sira no administrasaun balun.
Notísia Relevante :Klube Academica FC Prontu Kompete iha Kopa FFTL
Premiu ba klube ne’ebé kampiaun, primeiru lugar sei hetan $15.000, segundu lugar $ 10.000, segundu lugar $ 5000 no kuartu lugar $ 2000.
FFTL fó prioridade ba klube hamutuk 20 ne’ebé maka hamahan aan iha Liga Futeból Amadora (LFA).
Notísia Relevante :Boavista FC Timor La Partisipa iha Kopa FFTL, Kapitaun Klube Deside Sai
Klube hirak ne’e mak hanesan Lalenok United FC, Karketu Dili FC, DIT FC, Boavista FC Timor, AS Ponta Leste, Assalam FC, AD. SLB Laulara FC, Atletico Ultramar FC, Aitana FC, Portu Taibessi FC, Lika-Lika Lemorai FC, Nagardjo FC, FC Zebra, Emanuel FC, Academica FC, Santa Cruz FC, Sporting Clubo de Timor, Kablaki FC, Fitun Studante FC no FC Marca.
Notísia Relevante :Klube Academica FC Prontu Kompete iha Kopa FFTL
Jornalista : Hortencio Sanchez
Editór : Agapito dos Santos
