DILI,24 jullu 2020 ( TATOLI)-Diretóra Nasionál Kontrolu Moras Ministériu Saúde, Josefina Clarina João, husu ba Diretór Saúde Munisípiu 12 inklui Rejiaun Administrativa Oé-Cusse Ambeno (RAEOA) atu kontinua implementa sistema vijilánsia sentinela hodi prevene surtu COVD-19 no moras infesaun sira seluk.
”Vijilánsia sentinela ne’e buat ida ne’ebé mak di’ak tebes hodi nune’e ita bele monitoriza hodi hatene kondisaun komunidade sira nian ,”dehan durante worshop kona-ba evaluasaun no monitorizasaun ba prevensaun COVID-19 ne’ebé maka organiza husi Organizasaun Mundiál Saúde iha Otél Timor Dili.
Notísia Relevante :Sentru Saúde Railaco Implementa Vijilánsia Sentinela Hodi Deteta COVID-19
Ekipa Vijilánsia Nasionál no Munisípiu halo ona monitorizasaun ba iha preparasaun fasilidade saúde hotu hodi responde coronavirus liuhosi programa triajén ne’ebé maka durante ne’e implementa ona iha Sentru Saúde hotu.
Notísia Relevante :Sentru Saúde Formoza Implementa Programa Vijilánsia Sentinela
”Depois monitorizasaun iha kedas Munsípiu idaidak halo mós evaluasaun iha nivel Munisípiu nian ne’ebé mak ohin loron ita hamutuk iha ne’e hodi hala’o hamutuk worshop entaun ita hamutuk mak atu hametin liután ita-nia estratejia servisu hamutuk ida ne’ebé mak diak liután to’o ohin loron no kontinua ba oin no bele sai diak liu tan,”tenik tan.
Nia suzere liliu Munisípiu sira hanesan Bobonaro, Covalima no Oé-Cusse atu reforsa liután servisu vijilánsia sentinela tanba konsidera fatin risku atu transmite moras COVID-19 mai rai-laran.
Notísia Relevante :Porsentu 49 Atividade Trianjen no Vijilánsia Sentinela Hatudu Rezultadu Negativu
Jornalista : Felicidade Ximenes
Editór : Agapito dos Santos
