DILI, 27 jullu 2020 (TATOLI)—Orsamentu Privadu Parlamentu Nasionál ho montante millaun $12,039.885 aprovadu. Orsamentu ne’e aprova iha plenária iha 27 jullu 2020 liuhosi projetu rezolusaun nº 54/ V (2ª) ho votu a-favór 54, kontra O no abstensaun 0.
“Hosi montante orsamentu millaun $12.039.884 ne’ebé fahe ba saláriu no vensimentu millaun $5.556.507 (46,2%), bens no servisu millaun $5.124.540 (42,6%), kapitál menór rihun $96.919 (0,8%), kapitál dezenvolvimentu rihun $3.919 (0,03%) no transferénsia públika millaun $1.258.000 (10,5%). Nune’e, orsamentu privativu Parlamentu Nasionál nian aprovadu,” Prezidente Parlamentu Nasionál, Deputadu Aniceto Longuinhos Guterres, anunsia liuhosi plenária, segunda ne’e.
Tuir tetu orsamentál ne’ebé Governu liuhosi Ministériu Finansa prevé ba PN ho millaun $9.163.480 ba tinan 2020. Montante orsamentu ne’ebé elabora husi parte sekretariadu no aprova iha Conselho de Administração ho total millaun $12.039.884.
Jornalista : Evaristo Soares Martins
Editór : Cancio Ximenes
