iklan

DESPORTU, DILI, HEADLINE

K-JKAL organiza torneiu futeból Kopa 12 novembru

K-JKAL organiza torneiu futeból Kopa 12 novembru

Kontra atake entre jogadór Aitana FC (costum mean) no Atletico Ultramar (costum metan) iha Estádiu Municipal Dili, Kinta horsehik. Imajen Mídia LFA

DILI, 06 novembru 2020 (TATOLI)—Klibur Juventude Katólika Ai-Tarak-Laran (K-JKAL), tuir planu iha sábadu (07/11) sei halo abertura ba torneiu futeból kopa 12 novembru.

Objetivu husi eventu ne’e maka hodi komemora loron masakre Santa Cruz ba dala-29 no selebrasaun loron nasionál juventude ba dala-15 nune’e bele hafanun espíritu no konsiénsia komunidade sira-nian hodi fó valór no dignifika loron istóriku ne’e.

Notísia Relevante:FIEL preparadu ba Tasa 12 Novembru

Tuir komunikadu imprensa ne’ebé maka Agência Tatoli asesu sesta ne’e informa torneiu refere sei hala’o abertura iha sábadu aban iha tuku 15:30 Otl; ne’ebé sei realiza iha kampu futeból Aldeia Anin-Fuik Suku Kampung Alor Dili, Postu Administrativu Dom Aleixo Munisípiu Dili, no sei partisipa husi klube hamutuk 27.

Iha parte seluk Konselleru Klibur Juventude Katólika Ai-Tarak-Laran, Adão do Carmo, hateten fundu ba programa ne’e hetan husi rejistrasaun klube hamutuk 26  ho totál osan hamutuk $650, tanba kada klube rejistu ho osan $25.00.

Aleinde ne’e, nia parte hetan apoiu osan husi kompañia Caltec $50, Caebauk $100, Timor-Telekom oferese pulsa telemovel ho valór $150 no mós apoi livru no lapijeira hamutuk 200, Kompañia Telemor apoiu tenda durante abertura to’o jogu finál.

“Klube sira ne’ebé hetan primeiru-lugar hetan osan $200, segundu- lugar $150, terseiru-lugar $100, top skor $50,” nia informa ba Tatoli via telefone, sesta ne’e.

Notísia Relevante:Tasa 12 de Novembru, Ponta Leste laiha mudansa ba jogadór

Jornalista :Tomé Amado

Editór:Agapito dos Santos

iklan
iklan

Leave a Reply

iklan
error: Content is protected !!