DILI, 06 novembru 2020 (TATOLI)–Sekretáriu Jerál Partidu Frente Revolusionáriu Timor-Leste Independente (FRETILIN), Mari Bin Amude Alkatiri, garante katak, proposta Orsamentu Jerál Estadu (OJE) tinan fiskál 2021 sei pasa iha Parlamentu Nasionál (PN) hodi bele implementa programa Oitavu Governu nian ne’ebé trasa ona ba povu nia moris di’ak.
Notísia Relevante : Prezidénsia Repúblika propoin millaun $8-resin iha proposta OJE 2021
“Laiha dúvida OJE 2021. Ha’u garante sei pasa iha Parlamentu,” Mari Alkatiri afirma ba jornalista, ohin, iha edifísiu Prokuradoria Jerál Repúblika (PGR), Colmera, Dili.
Tuir ajenda, sesta ohin, PN hahú halo audiénsia públika ba proposta-lei Orsamentu Jerál Estadu (OJE) 2021 ho montante biliaun $1.895 no tuir kalendáriu ne’ebé PN distribui ona, audiénsia públika ne’e sei termina iha loron 17 novembru 2020.
Jornalista : Nelson de Sousa
Editór : Francisco Simões
