DILI, 18 novembru 2020 (TATOLI)—Ministra Negósiu Estranjeiru no Kooperasaun (MNEK), Adaljiza Magno, hateten Eis Primeiru Ministru Kay Rala Xanana Gusmão, hala’o check up iha Jakarta ne’e la’ós organiza hosi Estadu maibé organiza privada.
Notísia Relevante: Xanana Gusmão hala’o “check up” iha Jakarta
Ministra Negósiu Estranjeiru no Kooperasaun ne’e mós rona informasaun katak Eis Prezidente Repúblika ne’e hala’o tratamentu saúde iha Jakarta.
Nu’udar Ministra Negósiu Estranjeiru no Kooperasaun (MNEK) hatene no iha koñesimentu ka lae kona-ba Xanana Gusmão hala’o tratamentu saúde iha Jakarta-Indonézia, nia parte hateten, MNEK hatene maibé vizita ida ke señor Xanana mak organiza rasik tanba urjente.
“Ha’u mós rona dehan Xanana ba check up nia moras entaun nia check up iha ospitál Jakarta. Loos, MNEK hatene maibé vizita ida ke señor Xanana mak organiza. Tanba urjente, sira tenke ba,” Ministra Negósiu Estranjeiru no Kooperasaun Adaljiza Magno, informa ba jornalista sira hafoin briefing Prezidente Parlamentu Nasionál, Aniceto Longuinhos Guterres Lopes, iha PN, kuarta ne’e.
Jornalista: Evaristo Soares Martins
Editór: Cancio Ximenes