LIQUIÇA, 28 novembru 2020 (TATOLI)—Vise Ministru Saúde, Bonafácio Maucoli dos Reis, hateten bazeia ba objetivu dezenvolvimentu sustentavél (ODS) 2011 to’o 2030, Ministériu Saúde sei kontinua dezenvolve programa saúde iha família.
Nune’e mós sei dezenvolve iha área infraestrutura bázika, rekursu umanu hodi presta servisu di’ak liután ba populasaun liliu hakbesik saúde ba komunidade liuhosi programa saúde iha família.
Notísia Relevante :Ministeriu Saúde Halo Planu Estratéjiku Asaun Saúde Integradu
“Atividade saúde iha família nafatin kontinua hakbesik ba família sira liliu iha área remotas sira ne’ebé mak dook husi postu saúde no sentru saúde sira saúde iha família ne’e ita fó tratementu ba komunidade sira depois prolema saida mak sira hasoru depois mak ita solusiona problema sira,”dehan Governante bainhira partisipa serimonia komemorasaun loron proklamasaun independensia unilaterál bad ala 45 iha Munisípiu Liquiça, sábadu ne’e.
Atu reforsa programa saúde iha família, nia tenik tan daudaun ne’e Ministériu Saúde hala’o hela prosesu rekrutamentu ba profisionál saúde hamutuk 300 para destaka iha postu saúde, sentru saúde, ospitál referál no nasionál.
“Iha tinan 2021 ita sei rekruta tan 600 para kontniua nafatin halo tratamentu saúde ba pasiente sira ne’ebé mak presiza ita-nia tulun liliu área remotas sira iha tinan 2022 ita kompleta rekruta tan 1020 hodi halo kobertura ba iha saúde iha família,”nia esplika.
Governu liuhosi Ministériu Saúde esforsu atu halo redusaun ba taxa mortalidade inan no oan tanba daudaun ne’e taxa mortalidade sei kontinua aas 195/1000.
Notísia Relevante :MS sei harii postu saúde no rezidensia ba médiku hamutuk 24
Jornalista : Felicidade Ximenes
Editór :Agapito dos Santos
