iklan

EKONOMIA, HEADLINE

Semana oin, kandidatu administradór munisípiu lima tuir teste

Semana oin, kandidatu administradór munisípiu lima tuir teste

Ministru Administrasaun Estatál, Miguel Pereira de Carvalho. Imajen Tatoli/Egas Cristovão

DILI, 27 janeiru 2021 (TATOLI)–Ministru Administrasaun Estatál (MAE), Miguel Pereira de Carvalho, informa kandidatu administradór munisípiu lima sei tuir teste eskrita iha semana oin-mai.

“Ha’u hanoin kandidatu sira agora ne’e prepara hela atu ba tuir ezame eskrita. Semana oin sira tuir ezame. Hafoin ezame mak ita foin hatene,” nia tenik ba jornalista sira iha Palásiu Governu, kuarta ne’e.

Muguel esplika, kadidatu administradór sira ne’ebé sei tuir ezame mai husi munisipiu lima mak hanesan Bobonaro, Liquiçá, Ermera, Manatuto inklui Dili.

“Kandidatu sira-ne’e hamutuk ema na’in hira ha’u ladún hatene maibé sira-ne’e sei tuir teste eskrita semana oin-mai. Ida-ne’ebé mak valór aprovadu, ida-ne’e mak sei konkore iha faze tuirmai no ida-ne’ebé mak valór la aprovadu sei la tuir tan faze tuir,” Ministru Estatál informa.

Antes ne’e, Ministériu Estatal konsege finaliza selesaun ba autoridade munisipál tolu hanesan Prezidente Autoridade Munisipál Baucau, Administradór Munisípiu Lautém no Administradór Munisípiu Viqueque. Autoridade munisípiu tolu ne’e simu ona pose iha semana hirak liubá.

Jornalista: Natalino Costa

Editór: Xisto Freitas

iklan
iklan

Leave a Reply

iklan
error: Content is protected !!