DILI, 01 abríl 2021 (TATOLI)—Pasiente pozitivu COVID-19, JdSNB, rekuñese nia sai ona hosi fatin izolamentu Ótel Novo Horizonte iha kuarta (31 marsu 2021) ne’e, no oras ne’e izola-aan fali iha nia rezidénsia iha bairru ida iha Dili laran.
Notísia Relevante: COVID-19: JdSNB ba izolamentu ho transporte rasik
“Loos. Ha’u iha uma ona tanba lei altera tiha ona ne’e, halo nusá mak labele,” Pasiente JdSNB informa ba Agência TATOLI, liuhosi telefónika, kinta ne’e.
Ekipa saúde ba transporta JdSNB ho nia oan na’in-ida (1) no ema na’in-rua (2) ne’ebé halo servisu iha nia Gabinete, bazea ba rezultadu teste swab hatudu ema na’in hirak ne’e pozitivu COVID-19.
Nune’e, iha loron 28 marsu 2021, ekipa saúde ba tula JdSNB iha nia rezidénsia hodi kumpre izolamentu iha Ótel Novo Horizonte maibé pasiente ne’e ba ho ninia transporte rasik.
Entretantu iha loron 29 marsu ne’e, desizaun koletiva Konsellu Ministru aprova projetu-dekretu Governu ba alterasaun dahuluk dekretu-Governu númeru 6/2021, loron 2 marsu.
Ministru Prezidente Konsellu Ministru fó-sai katak, ho alterasaun ne’e izolamentu terapéutiku (kuarentena) bele hala’o iha uma maibé despeza saúde nian sei responsabiliza individuál
Jornalista: Evaristo Soares Martins
Editór: Cancio Ximenes
