LIQUIÇA, 07 maiu 2021 (TATOLI) – Pontu fokál no responsavel ba idózus no invalidés, Ministériu Solidariedade Sosiál no Inkluzaun (MSSI), Munisípiu Liquiça, Elizeu Marçal de Deus informa daudauk ne’e total idózus ne’ebé simu hela subsídiu kada fulan hosi Governu hamutuk 5.562.
“Ita nia idózus iha Liquiça ne’ebé simu subsídiu hosi Governu hamutuk 5.562 ne’e ativu hela, invalidés hamutuk 431 ativu simu hela subsídiu hosi Governu,” Elizeu informa ba Agência Tatoli iha Liquiça, sesta ne’e.
Idózus hirak ne’e simu subsídiu kada fulan neen dala ida no ema ida iha direitu simu montante $180 hanesan mós invalidés sira.
MSSI Liquiça rejista idózus foun ba tinan ida ne’e hamutuk 52 ne’ebé agora iha hela prosesu hodi submete ba nasionál atu bele hatama ba sistema hodi hetan direitu subsídiu hosi Governu.
Jornalista : Hortencio Sanchez
Editór : Francisco Simões
