LIQUIÇA, 18 maiu 2021 (TATOLI)-Komandu Polísia Nasionál Timor-Leste (PNTL) Munisípiu Liquiça, kontinua hala’o operasaun hodi kontrola movimentu komunidade nian no evita ema halibur malu atu prevene propagasaun COVID-19.
Notísia Relevante : COVID-19, pasiente pozitivu na’in-tolu lakohi koopera
Komandante Opresaun PNTL Liquiça, Inspetór Xefe Ricardo Moniz Pade, hateten orientasaun hosi komandu atu kontrola komunidade halibur malu iha fatin públiku kada loron kontinua lao.
Inspetór Xefe Ricardo Moniz Pade ba Agência Tatoli iha Liquiça, tersa ne’e, informa, orden komandu munisípiu nian mós hato’o ona ba Ofisial Polísia Suku (OPS) kona-ba bainhira ema foun ruma hosi fatin seluk tama iha suku-sira favor informa lalais ba parte saúde hodi foti halo teste swab.
PNTL Liquiça iha kompromisu nafatin hodi asegura no kontrola nafatin komunidade iha area refere atu lao tuir nafatin regra durante Estadu Emerjénsia.
Jornalista : Hortencio Sanchez
Editór : Francisco Simões
