iklan

EKONOMIA, HEADLINE

SERVE propoin adisionál miliaun $1 hodi fortalese sevisu tinan oin

SERVE propoin adisionál miliaun $1 hodi fortalese sevisu tinan oin

Diretór Ezekutivu SERVE, I.P Florêncio Sanches. Imajen Tatoli/Jogerjo Guterres

DILI, 08 setembru 2021 (TATOLI)–Diretór Ezekutivu Servisu Rejistrasaun no Verifikasaun Emprezariál (SERVE), Florêncio Sanches, informa, durante diskusaun Komité Revizaun Orsamentu Polítika (KROP) propoin ona orsamentu millaun $1 resin hodi fortalese servisu tinan oin.

“Orsamentu adisionál atu fortelese SERVE, liuliu hola sertidaun sertifikadu ba rejistu  emprezariál ba empreza tanba ne’e importante no seluk  maka  kompleta sukursál iha munisípiu sira, tanba agora hela munisípiu Liquiçá, Ermera no Manatuto maka seidauk iha sukursál,” Diretór Ezekutivu SERVE informa ba Agência TATOLI, iha ninia knaar fatin, Palm Bussiness, Hudi-laran, kuarta ne’e.

Enkuantu, SERVE hetan envelope fiskál 2022 millaun $1,3 hosi Ministériu Finansa.

Orsamentu 2021 ba SERVE hamutuk $2.303.997, ne’ebé hosi totál ne’e prevee millaun $2,140 ba rejistu empreza no lisensiamentu atividade ekonómika, no $164.000 ba boa governasaun no jestaun institusionál.

Medida prinsipál SERVE tinan 2021 maka prosede no rejistu empreza no lisensiamentu atividade ekonómika no asegura asaun ne’ebé kontribui hosi funsionáriu sira hodi presta serbisu no atendimentu ho kualidade ba públiku bazeia ba regra ne’ebé eziste iha área rejistu komersiál.

Nune’e mós, fasilita rejistu komersiál, no emisaun dokumentu, espansaun servisu SERVE iha territóriu inklui rejistu online, polítika jéneru no promove boa governasaun no jestaun institusionál.

Jornalista : Natalino Costa

Editora     : Julia Chatarina

iklan
iklan

Leave a Reply

iklan
error: Content is protected !!