iklan

NASIONÁL, EKONOMIA, JUSTISA, DILI, HEADLINE, Uncategorized

OJE 2022, CAC husu adisionál $990.352

OJE 2022, CAC husu adisionál $990.352

Komisáriu CAC, Sérgio Hornai. Imajen Tatoli/António Gonçalves.

DILI, 15 setembru 2021 (TATOLI)—Komisaun Anti Korrupsaun (CAC sígla portugés), aprezenta proposta adisionál $990.352 iha Komite Revizaun Orsamentu Polítika (KROP), Orsamentu Jerál Estadu (OJE) 2022.

Komisáriu CAC, Sérgio Hornai, hateten instituisaun ne’e hetan tetu fiskál ba tinan oin $1.414.230,  ho verba alokasaun saláriu vensimentu $937.966, bens serbisu $476.264, kapitál menór laiha no orsamentu ne’e sufisiente hodi hala’o atividade.

Notísia relevante:OJE 2021, CAC ezekuta ona 23.8%

“Nune’e, husu adisionál atu reforsa ba bens serbisu no kapitál menór $990.352 ho ida-ne’e, proposta komisaun nian ba OJE 2022 hamutuk $2.404.572,” Sérgio Hornai, hateten ba jornalista Agência Tatoli via WhatsApp, kuarta ne’e.

Verba orsamentu bens serbisu ne’e sei reforsa atividade-sira ba refora serbisu rede informasaun kriminál-nian, dezenvove estratejia nasionál anti korrupsaun, deklarasaun rendimentu bens no interesses, estudu-sira sobre avaliasaun risku korrupsaun no survey kona-bá presepsaun.

Alende ne’e, halo sensibilizasaun-sira iha nível nasionál ho subnasionál-sira no hametin kooperasaun no parseria ba implementasaun  UNCAC.

Kona-bá aloasaun bai ha kapitál menór sei reforsa iha serbisu-sira asesu justisa no boa governasaun nian.

Ezekusaun OJE 2021 nian, daudaun ne’e CAC ezekuta ona 42% hosi orsamentu $1.784.860, ne’ebé fahe ba saláriu vensimentu $937.966, kalpitál menór $210.875 no bens serbisu $636.019.

Jornalista: Nelson de Sousa

Editór: Cipriano Colo

iklan
iklan

Leave a Reply

iklan
error: Content is protected !!