DILI, 25 outubru 2021 (TATOLI)– Federasaun Futeból Timor-Leste (FFTL) fó formasaun nivel Basic Coaching Course ba treinadór futeból no futsal nain-19.
Sekretáriu Jerál Assosiasaun Futsal Timor-Leste (AFTL) Fernando Baptista, hateten, formasaun atu aumenta koñesimentu treinadór sira nian, nune’e bele lidera klube iha futeból no futsal tuir regra Federation Internasionál Football Association (FIFA).
“Ita nia formadu na’in-19 ne’e, mai hosi treinadór futeból 11 no futsal na’in-ualu, hetan formasaun hosi instrutór AFC hosi Malazia, iha formasaun atu hetan lisensa báziku hodi sai treinadór di’ak,” Sekretáriu Jerál ne’e, informa ba Agência TATOLI, via rede sosiál, segunda ne’e.
Formasaun ne’e hala’o iha salaun Xanana Sport Centre Dili, durante semana ida, hahú 25 outubru to’o inisiu novembru.
Formasaun ne’e, hala’o tanba FFTL koopera di’ak ho Asian Football Confederation (AFC) hodi haruka instrutór ida mai Timor -Leste hodi fó formasaun ba treinadór futeból-sira.
Notísia relevante: FFTL fó formasaun ba treinadór futsal
Jornalista : Hortencio Sanchez
Editór : Florencio Miranda Ximenes
