iklan

EKONOMIA, HEADLINE, MUNISÍPIU, OEKUSI

CLN sensibiliza estratéjia hasa’e produsaun lokál iha Pássabe

CLN sensibiliza estratéjia hasa’e produsaun lokál iha Pássabe

Komunidade hosi sub-rejiaun Pássabe, RAEOA partisipa atividade sensibilizasaun hosi CLN. Imajen/mídia Sekretaria Komérsiu no Indústria RAEOA.

OÉ-CUSSE, 27 outubru 2021 (TATOLI) — Ekipa Sentru Lojístika Nasionál (CLN, sigla portugés), hala’o sensilizasaun kona-ba estratéjika hasa’e volume produsaun lokál ba komunidade sira iha sub-rejiaun Pássabe, Rejiaun Administrativa Espesiál Oé-Cusse Ambeno (RAEOA).

Objetivu hosi sensibilizasaun ne’e introdús mós papél CLN ba agrikultór sira, nune’e enkoraja komunidade sira hamutuk ho emprezáriu sira iha sub-rejiaun Pássabe ba iha futuru badinas halo to’os no natar nune’e bele garante ai-hán sustentável iha rejiaun ne’e.

“Ami fahe informasaun kona-ba produtu lokál ne’ebé sai prioridade atu sosa iha futuru hanesan fore-rai, fore-mungu, koto, fore-metan, hare no batar. Atividade sensibilizasaun ne’e nu’udar asaun realístiku hodi enkoraja komunidade agrikultór no emprezariu sira oinsá hasa’e produtu lokál nune’e bele fornese ba CLN atu asegura ai-hán ba agrikultór iha rejiaun Oé-Cusse,” Diretór Ezekutivu CLN, Jacinto Paijo, informa ba Agência TATOLI, iha Oé-Cusse, kuarta ne’e.

Purtantu, Sekretáriu Rejionál ba Asuntu Komérsiu no Indústria, Pedro da Cunha, enkoraja agrikultór sira kuda produtu lokál ne’ebé sai prioridade ba CLN, nune’e iha futuru estabelese mós sentru lojístika rejionál iha Oé-Cusse.

Jestór sub-rejiaun Passabe, António Ulan, konsidera sensibilizasaun ne’e atu motiva komunidade sira badinas halo to’os no natar.

Entretantu, totál populasaun iha sub-rejiaun Pássabe hamutuk 9,031 kompostu hosi suku Abani hamutuk 7,200 no suku Malelat hamutuk 1,831.

Notísia relevante: CLN sensibiliza estratéjia hasa’e produsaun ba komunidade Pante Makasar

Jornalista         : Abílio Elo Nini

Editór               : Evaristo Soares Martins

iklan
iklan

Leave a Reply

iklan
error: Content is protected !!