LIQUIÇA, 28 outubru 2021 (TATOLI) – Vise Ministra Solidaridade Sosiál no Inklusaun, Signi Chandrawati Verdial, informa, orsamentu ne’ebé prevee iha tinan fiskál 2022 hamutuk $22,727,705.00, ne’ebé fó prioridade ba protesaun sosiál ba sidadaun sira.
Hosi totál orsamentu ne’e fahe ba kategoria, saláriu no vensimentu $1,922,900.00, bens servisu $4,383,140.00, kapitál menór $218,280.00, transférensia publika $14,489,140.00 no kapitál dezenvolvimentu $1,713,600.00.
“Ami nia orsamentu ne’e fó prioridade ba area tolu importante hanesan asegura protesaun sosiál sidadaun Timor -Leste tomak hodi hamenus kiak no mukit, hamlaha no garante protesaun sosiál no justisa sosiál ba ema-sira ne’ebé iha situasaun vuneravél,” Vise Ministra Signi, hateten iha semináriu panorama orsamentál 2022, iha Tibar, Liquiça, kinta ne’e.
Misaun MSSI iha 2022 mak promove asaun sosiál no asisténsia sosiál ba hotu-hotu, garante seguransa sosiál ba ema hotu, promove resensaun sosiál hodi garante inkluzaun sosiál, reduz dezigualdade jenéru no empoderamentu ba feto ho labarik no ema ho difisiénsia, reforsa no mantein kapasidade institusional hodi atinje meta-sira.
Orsamentu ba kada programa
Programa inkluzaun sosiál ho sub-programa 15 no totál atividade 31 ho nia orsamentu $16,533,588.00, programa númeru 510 kona-ba boa governasaun no jestaun institusionál ho sub-programa no atividade 16 ho orsamentu $6,194,117.00.
Programa boa governasaun ho sub-programa númeru 51001, boa governasaun ho orsamentu $968,288.00, sub-programa númeru 51002 kona-ba jestaun institusional ho orsamentu $5,188,376.00 no sub-programa númeru 51003 kona-ba parseria ho orsamentu $37,453.00.
Sub-programa númeru 98013 kona-ba protesaun solidaridade sosiál no inkluzaun ho orsamentu $3,920.00, sub-programa númeru 98012, protesaun no promosaun ba direitu ema nian ho difisiente ho orsamentu $16,650.00, sub-programa númeru 98007, protesaun ba labarik ba risku no perigu ho osan $117,240.00, sub-programa númeru 98017, protesaun ba direitu labarik ho osan $124,746.00, sub-programa númeru 98018, sosializasaun no sensibilizasaun $125,709.00.
Sub-programa númeru 98039 kona-ba apoia karreta tula mate-isin $336, 098.00, sub-programa númeru 98040 kona-ba bolsa da mae $13,152,189.00, sub-programa númeru 98041, asisténsia sosiál umanitáriu $430,696.00, sub-programa númeru 98025, inkluzaun sosiál $1,176,540.00, sub-programa númeru 98026 kona-ba reintegrasaun komunitária $105,890.00.
Sub-programa númeru 98028 kona-ba implementasaun NAP-rezolusaun 1325 (2000) ONU ba WPS $171,254.00, sub-programa númeru 98029 kona-ba implementasaun ba NAP-GBV ho osan $129,076.00, sub-programa númeru 98019, kona-ba kuidadu no apoiu portador HIV-SIDA (EMHIV) $194,190.00, sub-programa númeru 98020 prevensaun no edukasaun $305,810.00. Ho nia sub-totál hamutuk $16,533,588.00 73%.
Jornalista : Hortencio Sanchez
Editór : Florencio Miranda Ximenes
