Top

FETO LABELE SAI VÍTIMA BA LIMAN KRO’AT

Matebian Palomita Gusmao Guterres. Imajen/Espesiál.

Hosi : Cristovão Pereira (TM ANARKI)

 

Mane ida la sai perfeitu,

tanba ó bele baku feto,

Mane ida la sai forte,

tanba ó hatene ameasa no oho.

 

Se domin mak sai problema,

Se relasaun labele kontinua,

La’ós atu hasai ema seluk nia vida!,

RESPEITA FETO nia dignidade,

Tan husi nia mak ó Moris.

 

Inan-Feton sira…

Labele haree de’it ema-nia oin furak ka feiu,

Inan Feton sira…

Labele rona de’it liafuan domin ne’ebé midar.

 

Domin ne’ebé loos, la hametin ho ta’uk,

Domin ne’ebé loos, la moris husi ameasa,

Domin ne’ebé loos, la halo ema ida lakon nia liberdade,

Tan Domin ne’ebé loos, lahalo feto sai atan.

 

Laos mane hotu halo violensia,

Laos mane hotu asasinatu,

Laos mane hotu liman raan,

Laos mane hotu hanesan nia,

Tanba Mane mak sai mahan no Protetor.

 

Labele iha tan inan ida halerik tanba nia oan,

Labele iha tan família ida hein ema ne’ebé nunka fila,

Labele iha tan feto ida sai vítima ba liman kro’at,

Labele iha tan feto ida mate ho Domin Violensia!

Deskansa iha dame, Palomita Gusmao Guterres.

—————————

Dili, Formosa, 19/11/2026

Puizia ne’e didika ba inan feto sira. Inspirasaun mai husi asaun violência [krime] ne’ebé mak akontese beibeik ba feton sira. No, puizia ida ne’e, hakerek tanba inspira husi asaun violência [krime] mak afeta ba alin feto ida naran Palomita Gusmao Guterres, husi nia namoradu Jeovanio Asoko, iha Tasi-Tolu, Kuarta (18/11/26).

Publisidade

Leave a Reply

Latest Post

error: Content is protected !!