SEPS prioritiza programa haat iha OJE 2022
DILI, 06 novembru 2021 (TATOLI) – Sekretaria Estadu Protesaun Sivíl (SEPS) prioritiza programa haat (4) iha Orsamentu Jerál Estadu tinan fiskál 2022.
“Sei prioritiza ba programa haat mak hanesan kompleta lejizlasaun sira hanesan lei protesaun sivil ne’ebé Prezidente promulga ne’ebé forti hodi protesaun sivíl bele halo serbisu, lei orgánika protesaun sivíl agora iha Konsellu Ministru, lei protesaun sokorru ninian, no estatutu própriu protesaun sivíl atu operasionaliza funsionáriu protesaun sivíl hodi halo serbisu 24 oras,” Diretór Jerál hosi Sekretaria Estadu Protesaun Sivíl (SEPS), Ismael da Costa Babo informa ba Agência Tatoli, iha Caicoli, kinta ne’e.
Nune’e mós kapasitasaun rekursu umanu, kondisaun serbisu protesaun sivíl nian no infraestrutura bázika sira. Programa hirak-ne’e korresponde ho orsamentu millaun $13.486 iha Orsamentu Jerál Estadu tinan fiskál 2022.
Notísia relevante: MI-SEPS sosializa lei protesaun sivíl iha Bobonaro
Jornalista : Natalino Costa
Editór : Evaristo Soares Martins
