BAUCAU, 27 dezembru 2021 (TATOLI) – Polísia Nasionál Timor-Leste (PNTL) Munísipiu Baucau liuhosi seksaun tránzitu rekolla rekolla $381 durante selebrasaun festa Natál.
Segundu Komadante PNTL Munisípiu Baucau, Superintendente Asistente José Casemero hateten, durante pasa-revista ne’e konsege halo apreensaun ba karreta ualu no motor neen hanesan parte atu asegura selebrasaun festa Natál no simu tinan-foun 2022.
“Koima ne’ebé mak ita hatama ba kofre estadu hamutuk $381,” Superintendente Asistente hateten iha nia knar-fatin, Vila Nova, segunda ne’e.
Auto stop ne’e hala’o hosi loron 21- 22 dezembru 2021, loron dahuluk prende karreta-tolu, motorizada lima tanba dokumentu laiha no balun tanba karta kondusaun, loron daruak kontinua halo auto stop konsege halo apreensaun ba karreta lima no motorizada ida. Maski nune’e na’in ba veíkulu hirak-ne’e konsege selu koima iha banku tuir kategoria.
PNTL Baucau fó atensaun ba motorista sira bainhira sai hosi uma tenke lori ho dokumentu inklui karta kondusaun, nune’e bele asegura movimentasaun.
Jornalista : Natalino Belo
Editór : Evaresto Soares Martins
