DILI, HEADLINE, INTERNASIONÁL

Hafoin COVID-19, TL ho Indonézia finaliza delimitasaun fronteira terrestre

Hafoin COVID-19, TL ho Indonézia finaliza delimitasaun fronteira terrestre

Ministra Negósiu Estranjeiru no Kooperasaun (MNEK), Adalgiza Albertina Xavier Magno. Imajen Tatoli/Francisco Sony

DILI, 19 janeiru 2022 (TATOLI)– Ministra Negosiu Estranjeiru no Kooperasaun (MNEK) Adaljiza Albertina Xavier Reis Magno, hateten, diskusaun prosesu delimitasaun fronteira terrestre entre Timor-Leste no Indonézia kontinua paradu tanba pandemia Covid-19.

“Diskusaun fronteira terrestre entre ita ho Indonezia ne’e loloos finaliza ona, maibé tanba pandemia Covid-19 mak halo buat hotu paradu, nune’e ekipa hosi Indonézia mós seidauk disponivél hasoru malu ho ita, maibé covid-19 ramata bele kontinua prosesu atu finaliza” Ministra Adaljiza hateten ba Agência TATOLI iha Palasiu Governu-Dili, kuarta ne’e.

Notísia relevante: Negosiasaun Fronteira Terrestre TL-RI Sei Sai Ezemplár Ba Mundu

Nune’e, ekipa Timor-Leste hein númeru COVID-19 tuun iha Indonézia hafoin bele deside oráriu hodi hasoru malu hodi kontinua diskusaun ba kestaun ne’e.

Xefe Negosiadór Prinsipál Timor-Leste, Kay Rala Xanana Gusmão, antes ne’e ho Ministru Koordenador ba Asuntu Polítika no Defeza Wiranto ho Ministru Negosiu Estranjeiru no Kooperasaun Indonézia Rento Marsudi asina ona nota aseitasaun ba finalizasaun fronteira terrestre.

Liuhosi asinatura aseitasaun ne’e konsege finaliza ona fronteira terrestre iha segimentu rua hanesan Noelbesi-Citrana no Bijael Sunan-Oben. Área Noelbesi-Citrana hanesan fronteira ho Kupang Nusa Tengara Timur (NTT) no Oé-Cusse Ambeno hanesan parte Timor -Leste nian.

Nune’e mós, Bijael Sunan-Oben hanesan fronteira Tengah Utara ne’ebé sai parte hosi NTT no Oé-Cusse Ambeno ho medida ektare 142,7.

Notísia Relevante:  Finaliza Tiha Akordu Fronteira Terrestre, TL-RI Kontinua Ba Diskusaun Marítima

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!