DILI, 03 fevereiru 2022 (TATOLI)—Ministériu Saúde relata, ohin, kazu detetadu foun 41, rekuperadu laiha no kazu ativu na’in-309.
”Kazu detetadu foun ohin 41, rekuperadu la iha no ativu 309,” Diretora Jerál Prestasaun Saúde iha Ministériu Saúde, Odete da Silva Viegas , hateten liuhosi nota ne’ebé Agência TATOLI asesu kinta ne’e.
Nune’e, hahú 21 marsu 2020 to’o 02 fevereiru 2022 iha kumulativu kazu konfirmadu 20177 no óbitu 122.
Hosi horisehik mai ohin, Laboratóriu Nasionál Saúde halo teste PCR 384 kompostu vijilánsia sentinela 33, rastreiu ba kontaku 209 , rastreiu aleatóriu 116 , viájen internasionál 25 follow up iha kuarentena ida.
Alende ne’e, totál teste PCR ne’ebé halo iha 02 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 211 hanesan Maubisse laiha, Maliana 23 Viqueque laiha , Suai sia, Baucau 13 , Ermera ida , RAeEOA ualu , HNGV 157, Lautém laiha, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 02 fevereiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,9%) no kumulativu 2ª doze iha Dili (82,3%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,2% no simu ona doze daruak 70,9%.
Hosi insidénsia COVID-19 iha Timor-Leste, durante loron hitu ikus maka 3,1/100 mil abitante,
Iha loron 03 fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu sia, moderadu rua no kaman hitu.
Notísia Relevante:COVID-19: kazu pozitivu foun 31 no ativu 268
Jornalista : Felicidade Ximenes
Editór : Florencio Miranda Ximenes
