Top

AFTL rejista ona klube 15 kompete iha liga juveníl U-14

Jogador kontrola hela bola bainhira joga kontra STRELA BAGIA FC iha Pra liga Futsal Timor Leste 2020-2021 iha kampu Fatuhada, kuarta 18/11/2021..Imajen Tatoli/Antonio Goncalves

DILI, 11 fevereiru 2022 (TATOLI)– Sekretáriu Jerál Asosiasaun Futsál Timor-Leste (AFTL), Fernando Baptista, informa konsege rejista ona klube hamutuk 15 atu kompete liga futsál ne’ebé sei reiha atu halo rezistrasaun hodi partisipa liga futsal juvenil U-14.

“Ohin, loron ikus ba rejistrasaun, klube 15 mak mai rejista ona no ita avansa ho sira ne’e ona,” SekJer Fernando ne’e hateten ba Agência TATOLI iha salaun Xanana Sport Centre Dili, sesta ne’e.

Notísia relevante:   AFTL rejista ona klube ualu partisipa tasa juveníl U-14

AFTL loke rejistrasaun iha 18 no 31 janeiru 2022 ho nia kritéria mak kada klube tenke lori jogadór sira nia sertidaun RDTL ou baptizmu no osan hamutuk $100, hosi osan ne’e $75 ba rejistrasaun no $25 hatama ba konta klube nian.

Klube hamutuk 15 mak rejista ona ne’e mak, São Francisco, Becusse United FC, Ramelau FC, M-VDL FC, Boasorte FC, FIEL-FC, B’TAL FC no Crazy Hourse FC, AS Jerman, Estrela Baguia, Maudoko FC, Academica FC, Relay Lalera FC, Atletico Ailok Laran no Wesel FC.

Tuir loloos AFTL loke oportunidade ba klube 24, ne’ebé hamahan-an iha AFTL, maibé klube sira ne’e barak la mai rejistu no AFTL foti desizaun loke hikas ba públiku atu klube se de’it iha intrese bele ba rejistu.

Ho nune’e iha klube hitu mak konsege ba rejista hodi kompleta klube 15, nune’e  klube hirak ne’e mak sei partisipa iha liga juveníl ne’e.

Notísia relevante:  Semana oin, AFTL hahú rejista klube hodi kompete tasa juveníl U-14

Jornalista: Hortencio Sanchez

Editór      : Florencio Miranda Ximenes

Publisidade

Leave a Reply

Latest Post

error: Content is protected !!