COVID-19: kazu óbitu ida no pozitivu foun 52
DILI, 25 fevereiru 2022 (TATOLI)— Ministériu Saúde relata, kazu óbitu ida, detetadu pozitivu foun 52, rekuperadu 196 no kazu ativu 694.
“Totál óbitu ne’ebé relata ohin, 25 fevereiru 2022 na’in ida ho pasiente Feto (36 A) transferensia hosi Hospitál Munisípiu Manatuto ba HNGV, iha loron 18 fevereiru hala’o teste konfirmadu pozitivu COVID-19. No matebian tama iha izolamentu Lahane iha dia 25 fevereiru ho Dx: T mediastino Metastasis + COVID-19 CT 31,3, matebian vasina AstraZeneca kompleta no hakotu iis iha tuku 13:05 otl,” refere nota ne’ebé Agência TATOLI asesu, sesta ne’e.
Nune’e, hahú 21 marsu 2020 to’o 25 fevereiru 2022 iha kumulativu kazu konfirmadu 22.636 no óbitu 127.
Hosi horisehik mai ohin, Laboratóriu Nasionál Saúde halo teste PCR 382, kompostu vijilánsia sentinela 45, rastreiu ba kontaku 59, rastreiu aleatóriu 250, viájen internasionál 26, follow up iha kuarentena na’in-rua.
Alende ne’e, totál teste PCR ne’ebé halo iha 24 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 85 hanesan Maubisse laiha, Maliana hitu, Viqueque laiha, Suai haat, Baucau ualu, Ermera laiha , RAEOA ida, HNGV 65, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 25 fevereiru 2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (88,3%) no kumulativu 2ª doze iha Dili (82,9%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 71,8%.
Hosi insidénsia COVID-19 iha Timor-Leste, durante loron hitu ikus maka 4,1/100 mil abitante,
Iha loron 25, fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 18 , baixa ho COVID-19 hamutuk 15.No baixa tanba COVID-19 na’in tolu ho sintomas grave.
Notísia Relevante: COVID-19: kazu detetadu pozitivu 56 no ativu 839
Jornalista: Felicidade Ximenes
Editór : Florencio Miranda Ximenes
