iklan

BOBONARO, HEADLINE, MUNISÍPIU, SEGURANSA

PNTL sei atua apoiante kandidatu PR uza símbolu arte-marsiál iha kampaña

PNTL sei atua apoiante kandidatu PR uza símbolu arte-marsiál iha kampaña

Abertura kampaña eleisaun presidensiál ba kandidata Xefe Estadu, Armanda Berta, iha Ainaro. Imajen Tatoli/Anito Soares.

BOBONARO, 04 marsu 2022 (TATOLI) – Polísia Nasionál Timor-Leste  (PNTL) Munisípiu Bobonaro, sei atua apoiante no militante sira hosi kandidatu Prezidente Repúblika (PR) na’in-16 ne’ebé uza símbolu grupu arte-marsiál iha períodu kampaña eleitorál.

“Ami sei kontrola sira-ne’ebé partisipa iha kampaña uza fali símbolu arte marsiál iha isin-lolon tanba tuir lei labele, ne’ebé bainhira ami deteta sei koordena ho CNE, foti mai iha komandu hodi presta desklarasaun,” Komandante PNTL Munisípiu Bobonaro, superintendente Antoninho Mauluta, ko’alia iha Maliana, sesta ne’e.

Superitendente ne’e mós halo kontaktu ona ho líder másimu sira grupu arte-marsiál no rituál sira iha munisípiu Bobonaro atu apoia PNTL kontrola ema hirak-ne’e nune’e bele kontribui ba situasaun hamatek iha fatin kampaña.

Nune’e mós sei koordena ho Komisaun Nasionál Eleisaun Munisípiu Bobonaro atu fo xamada atensaun ba ekipa susesu hosi kandidatura idak-idak nian.

Lei númeru 5/2017 kona-ba arma branka bandu kualkér aktividade inklui kampana eleitorál lori sasán kro’at no utiliza atributu organizasaun arte-marsiál.

“Bainhira ami deteta militante balun lori sasán kr’oat ita sei halo atuasaun hodi nia mai presta deklarasaun iha komandu mak ita sei prosesa nia tuir lei ne’ebé vigora ona iha ita-nia nasaun,” nia afirma.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!