iklan

NASIONÁL, POLÍTIKA

INDDICA husu apoiante kandidatu PR respeita entidade halo observasaun ba kampaña

INDDICA husu apoiante kandidatu PR respeita entidade halo observasaun ba kampaña

Apoiante kandidatu Prezidente Repúblika, Tito Da Costa Cristóvão ‘Lere Anan Timur, iha kampaña eleitorál ne’ebé realiza iha Kampu Ladi, Covalima. Imajen Tatoli/Celestina Teles.

DILI, 15 marsu 2022 (TATOLI)—Prezidente Instituto Defeza Direito das Crianças (INDDICA), Dinorah Granadeiro, hateten INDDICA husu kandidatu Prezidente Repúblika sira atu fó hanoin ba apoiante sira hodi respeita entidade ne’ebé halo observasaun ba kampaña eleitorál.

“INDDICA, I.P hamutuk ho nia parseiru hotu ne’ebé servisu ba direitu no protesaun ba labarik hakarak rekomenda ba lideransa partidu polítika sira hotu liu-liu Partidu istóriku Fretelin atu eduka ninia apoiante sira hotu hodi respeita entidade sira seluk ne’ebé halo servisu nakait ho kampaña eleitorál,” Prezidente IDDL hateten ba jornalista sira, iha salaun IDDL Caicoli, Dili, tersa ne’e.

Tanba liga ho insidente, nia afirma iha loron 14 marsu 2022, ekipa INDDICA, I.P halo monitorizasaun ba kampaña eleitorál kandidatu ho númeru sorteiu neen (6), iha momentu ne’e mak mosu insidente hosi militante Partidu Polítika Fretelin hasoru membru INDDICA, I.P na’in ida (1) ne’ebé hetan tuku iha parte ulun, tan ne’e INDDICA, I.P kondena asaun violentu ne’ebé autór ne’e komete.

Husu ba ekipa susesu partidu polítika nian hodi mantein orden iha kampaña eleitorál no respeita ekipa observadór Nasionál no Internasionál sira, ekipa seguransa partidu polítika sira tenke kontrola militante partidu polítika ne’ebé konsumu alkohol.

“Ita husu CNE no STAE nu’udar orgaun eleitorál atu tau regulamentu ida-ne’ebé rigorozu hasoru hahalok violentu hasoru ekipa monitorizasaun hosi instituisaun indepedente sira no INDDICA, I.P mós kondena aktu violénsia refere no sei hato’o ba CNE no STAE,” nia dehan.

Atu haburas festa demokrásia ida-ne’ebé nakonu ho pás, estabilidade, kredivel, seguru no termina konfiansa hili Prezidente Repúblika ba povu tomak ho nia konsiénsia ba kandidatu ne’ebe povu tau fiar iha nia idéolojia no programa, mak organizasaun independente tantu nasionál no Internasionál kontinua akompaña lala’ok kampaña eleitorál ida-ne’ebe demokrátiku nafatin sai hanesan impedimentu ba prosesu hari pás no estabilidade durante períodu kampaña hasoru membru Instituisaun independente sira.

Bazea ba aspeitu sira-ne’e hotu INDDICA, I.P nu’udar instituisaun ne’ebé iha papel importante hodi garante direitu labarik iha kampaña eleitorál no labarik sira labele involve direta iha kampaña, tanba INDDICA, I.P hetan kredensiál hosi orgaun eleitorál hodi halo observasaun direta ba prosesu tomak iha elisaun Prezidensiál inklui kampaña.

Konstituisaun RDTL artigu 18 no Tratadu sira kona-ba direitu labarik nian ko’alia kona-ba papel família, Komunidade no Estadu atu halo protesaun, dezenvolvimentu no promove partisipasaun labarik iha moris públiku nian.

Reforsa ho dekretu Governu nú 2/2022, 10 janeiro, kona-ba regulamentu atividade observasaun no monitorizasaun elisaun ba Presidente Repúblika no dekretu-lei nú 4/2021, 27 janeiru, fó biban ba INDDICA hodi halo nia knaar defende no salva guarda direitu labarik.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!