DILI, 19 marsu 2022 (TATOLI)—Kandidatu Prezidente Repúblika períodu 2022-2027 ho númeru sorteiu 14, José Ramos Horta, manán iha suku Bairru Pite iha sentru votasaun 03 Eskola Bázika Filiál primeiru no segundu siklu E.I.E.B Fatumeta, Dili, ho totál votu 1266.
Iha sentru votasaun ne’e kandidatu Francisco Guterres Lú Olo ho votu hamutuk 343, Lere Anan Timur ho votu hamutuk 95, Armanda Berta dos Santos ho votu hamutuk 90 no Mariano Assanami Sabino Lopes ho totál votu hamutuk 132.
Kandidatu Prezidente Repúblika sira seluk hanesan Isabel da Costa Ferreira ho votu hamuruk 13, Hermens da Rosa Correira Barros 50, Maria Angela Freitas na’in-ida (1), Rogeiro Tiago Lobato laiha, Anacleto Bento Pereira 16, Maria Elena Lopes de Jesus Pires 50, Antero Bendito da Silva tolu (3), Constância Pinto tolu (3), Virgílio da Silva Guterres neen (6), Martinho Gusmão neen (6) no Felizberto Araújo Duarte laiha.
Tuir kontajen hosi ofisiál hosi Sekretáriadu Tékniku Adminitrasaun Eleitorál (STAE) rejista totál votu nulu 31, branku neen (6), reklamadu no rezeitadu laiha.
Sentru votasaun 03 ida-ne’e ho estasaun votu tolu (3) hetan observasaun hosi fiskál kandidatu sira, Komisaun Nasionál Eleisaun (CNE, siglá portugés), no hetan seguransa másimu hosi Polísia Nasionál Timor-Leste (PNTL).
STAE rejista 859.631 eleitór elejível iha territóriu nasionál no diáspora 852.500 rejista iha nivél nasionál no 7.113 iha estránjeiru.
Jornalista : Nelson de Sousa
Editór : Cancio Ximenes
