iklan

NASIONÁL, ELEISAUN, HEADLINE, MUNISÍPIU, VIQUEQUE

Kandidatu PR Horta manán ho votu 436 iha suku Caraubalo Viqueque

Kandidatu PR Horta manán ho votu 436 iha suku Caraubalo Viqueque

Situasaun kontajen votu iha sentru votasaun suku Caraubalo, postu administrativu Viqueque villa, munisípiu Viqueque, sábadu (19/03). Imajen TATOLI/Vitorino Lopes da Costa

VIQUEQUE, 19 marsu 2022 (TATOLI)Kandidatu Prezidente Repúblika (PR) hosi partidu   Congresso Nacional da Rekonstrução de Timor (CNRT) ba períodu 2022-2027, ho númeru sorteiu 14, José Ramos Horta, manán ho votu 436, hosi totál votu válidu 841 iha sentru votasaun Eskola Ensinu Báziku Filiál (EBF) Cabira-oan, suku Caraubalo.

“Rezultadu votasaun iha sentru votasaun no estasaun votasaun ida tau hamutuk, ami konta kandidatura númeru sorteiu 14 hetan votu 436,” Sekretáriu meza polling staff, Adriano Pinto, informa ba Agência TATOLI, iha sentru votasaun EBF Cabira-oan, suku Caraubalo, postu administrativu Viqueque villa, munisípiu Viqueque, sábadu ne’e.

Notísia relevante: Komunidade Uaitame Viqueque nia espetativa ba PR foun

Tuir mai, votu boot daruak hosi kandidatura ho númeru sorteiu 06, Francisco Guterres ‘Lú Olo’ ho votu 242.

Enkuantu, kandidatura seluk  ho rezultadu, Isabel da Costa Pereira ho votu 1, Hermes da Rosa Correia Barros ho votu 6, Maria Angela Freitas da Silva la hetan votu, Rogério Tiago de Fátima Lobato ho votu 5.

Anacleto Bento Fereira ho votu 6, Maria Helena Lopes de Jesus Pires ho votu 8, Tito da Costa Cristóvão Pires ‘Lere Anan Timur’ ho votu 66, Armanda Berta Dos Santos ho votu 22, Antero Bendito da Silva ho votu 1.

Constâncio de Conceção Pinto laiha votu, Virgílio da Silva Gusmão ho votu 1, Martino Germano da Silva Gusmão ho votu 19, Felisberto Araújo Duarte ho votu 1 no Mariano Assanami Sabino Lopes ho votu 27.

Nune’e mós, rezultadu votasaun ba votu nulu 12 no vota branku 3.

Jornalista : Vitorino Lopes da Costa

Editora      : Julia Chatarina

iklan
iklan

Leave a Reply

iklan
error: Content is protected !!