iklan

BOBONARO, HEADLINE, MUNISÍPIU, OÉ-CUSSE (RAEOA), POLÍTIKA

Sentru votasaun Masin iha RAEOA, Horta manán Lú Olo ho votu 640

Sentru votasaun Masin iha RAEOA, Horta manán Lú Olo ho votu 640

Ramos Horta

OÉ-CUSSE, 19 marsu 2022 (TATOLI) – Kandidatu Prezidente Repúblika períodu 2022-2027, José Ramos Horta, manán maioria iha sentru votasaun Eskola Bázika Filiál (EBF) Masin, iha aldeia Sanane, suku Costa sub-rejiaun Pante Makasar Rejiaun Administrativa Espesiál Oé-Cusse Ambeno (RAEOA) ho votu 640.

Tanba iha sentru votasaun ne’e, Ramos Horta hetan votu 1.042 no Lú Olo hetan votu 402 nune’e Horta liu votu 640.

Iha sentru votasaun ne’e, iha estasaun votasaun tolu, ho rezultadu provizóriu mak hanesan, kandidatu Isabel da Costa Fereira hetan votu 16, Anacleto Bentu Fereira 10, Fransisco Guterres ‘Lu-Olo’ 402, Lere Anan Timur 14, Martinho Gusmão 50, Mariano Assanami Sabina Lopes 31.

Enkuantu kandidatu, Felisberto Araújo, Virgílio da Silva Guteres, Costancio Pinto, Maria Helena Lopes de Jesus Pires, Rogério Lobato, Maria Angela Freitas no Hermen Barros hetan votu lima (5) mai kraik.

“Iha sentru votasaun masin kandidatu númeru sorteiu 14 mak manán ho totál votu 1.042, hosi totál votu válidu 1.629, votu rezeitadu ida votu nulu lima, reklamadu laiha no votu branku 11,” Brigadista Avelino Maria Lobatu, anunsia rezultadu provizóriu ba militante no apoiante sira, iha sentru votasaun EBF, Masin, sábadu ne’e

Tuir observasaun Agência Tatoli iha terrenu, kontajen votu iha sentru votasaun EBF Masin hahú iha tuku 5:00 lokraik remata iha tuku 10:30, hetan seguransa másima hosi PNTL, observa hosi CNE no akompaña direita hosi fiskál kandidatura na’in-16.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!